کراچی ءَ بیگواھیں بلوچانی ھاتر ءَ زھرشانی برجاہ

اسد اچکزئی ءِ بیگواھی ءَ پد شھیدی بلوچستان ءِ جاور ھالاں بیان کنگ اِنت – ماما قدیر بلوچ

سندھ ءِ مزن شھر کراچی پریس کلب ءِ دیم ءَ وائس فار بلوچ مسنگ پرسنز ءِ زھر شانی برجاہ، زھرشانی ءَ مروچی چار ھزار ءُ دوسد ءُ سی ءُ ھپت روچ سرجم بوتگ – شھری عوامی مھاز کراچی ءِ ڈپٹی کوارڈینیٹر عبدالرحمن، بنجاھی آرگنائزر زھرہ خان، زاھد بارکزی ءُ دگہ مردماں بنجل ءِ تر ءُ تاب کرتگ ءُ بیگواھیں مردمانی کھولانی گون ءَ دلپدردی درشان اتگ –

ھمے وھد ءَ وائس فار بلوچ مسنگ پرسنز ءِ رھشون ماما قدیر بلوچ ءَ وتی ھیال درشان اتگ ءُ گوشتگ کہ ما مدامی گوشگ انت کہ بلوچستان ءَ روچ مروچی بہ جن بہ کُش چگل دے پالیسی برجاہ انت – مروچی عوامی نیشنل پاٹی ءِ جارکش اسد خان اچکزئی ءِ جون دست کپگ بلوچستان ءِ جاور ھالاں بیان کنگ انت –

آئی ءَ گوشتگ کہ راجداریں رھشون ءُ ورکراں بہ گر نودربر، اُستاداں ھوار ھچ پڑ ءِ مردم بلوچستان ءِ تہ ءَ مھپوز نہ انت پوجی کارمندانی شھر ءُ شھدگانی سر ءَ ساڑی بوگ ءَ ابید زورانسری آوار جنی ءَ پد جونانی دست کپگ وت گواھی دیگ انت کہ آھانی پژدر ءَ کَے انت –

آئی ءَ گوشتگ کہ مدامی ئیں لوٹاں ابید میان اُستمان ءُ میانی اُستمانی برادری ھاموشی ءِ روچگ داشتگ بلے بلوچ ءَ ھر وڑیں چکاسانی دیمپانی سگ اتگ ڈیتھ اسکواڈ تُرس، زلم زوراکیانی ساھگے چیر ءَ وتی جھد برجاہ داشتگ –

دومی نیمگ ءَ چار مارچ دوھزار ھبدہ ءَ بلوچستان کلات ءَ چہ آوار جنگ بیگواہ بوتگیں ورنا سراج بلوچ زورانسری اوار جنی بگیری چاگردی ترامجاھاں کمپئیں چلائینگ بوتگ –

جتا جتائیں پگرے منوگراں کمپئین ءَ بھر زرتگ سراج بلوچ ءُ ایندگہ بیگواھیں بلوچانی یل کنگے لوٹ کتگ اِت –