بیگواھیں نودربر فیروز بلوچ چہ نوشکی ءَ یلہ بیتگ

دی بلوچستان پتر ھال ءَ سر بیتگیں ھالانی رد ءَ بلوچ اسٹوڈنٹس ایکشن کمیٹی ءِ گوستگیں وائس چیئرمین فیروز بلوچ یلہ بیتگ ءُ لوگ ءَ سر بیتگ –

بلوچ اسٹوڈنٹس ایکشن کمیٹی ءَ فیروز بلوچ ءِ یل بیگ ءِ ھال راست کرتگ ءُ گوشتگ کہ وائس چیئرمین فیروز بلوچ نوشکی ءَ یل بیتگ –

زانگ بہ بیت فیروز بلوچ گوستگیں سال ءِ بیست ءُ نُھ مئی ءَ جمیل بلوچ ءِ ھمراھی ءَ بلوچستان ءِ دمگ پنجگور ءَ روگ ءَ بیتگ کہ کلات ءِ ھند ءَ ناشناسیں سلاہ بندجنن مردماں دزگیر کنگ ءَ پد بیگوای کرتگ ءُ بازیں وھداں بیگواہ بیگ ءَ پد مروچی یل بیتگ ءُ وتی لوگ ءَ سر بیتگ –