کیلکور ءَ بالگردانی تیرگواری، ھپت مردم بیران

دی بلوچستان پوسٹ

بلوچستان ءِ دمگ پنجگور ءَ پاکستانی پوج ءِ لشکر کشی برجاہ، لشکر کشی ءِ وھد ءَ بمبگواریں بالگردانی تیرگواری ءِ آسر ءَ ھپت مردم بیران بیتگ اَنت –

ھالانی رد ءَ مروچی بیگاہ ءَ کیلکور ءِ دمگ مراد بکش بازار ھَ یک لوگے ءِ سر ءَ بمبگواریں بالگردانی تیرگواری ءِ آسر ءَ چُک ءُ زالبولاں ھوار ھپت مردم بیران بیتگ اَنت –

بیران بیتگیں مردمانی پجار نہ بیتگ اَنت –

زانگ بہ بیت پنجگور ءِ جتا جتائیں جاھاں ھوار نوشکی، کلات ءُ ھاران ءِ کوھی دمگاں چہ گوستگیں روچاں پاکستانی پوج لشکر کشیاں دزبند اِنت کہ اود ءَ جنگی بالگرد ھم بھر زورگ ءَ اَنت –

نوشکی ءُ کش ءُ گوری دمگاں گوستگیں روچاں چہ انگیری ءِ سوب ءَ داں انگت ءَ جانی ءُ مالی تاوانانی ھال سر نہ بیتگ اَنت –