ھوشاپ ءَ تیرگواری، یک مردمے بیران

دی بلوچستان پوسٹ

سر بیتگیں ھالانی رد ءَ ھوشاپ ءَ سلاہ بندیں مردمانی تیرگواری ءَ یک مردمے بیران بیتگ –

بیران بیتگیں مردم ءِ پجار آلو ء دلدار ءِ نام ءَ زانگ بیتگ –

اھوالکار ءِ رد ءَ مروچی سھب ءَ ھوشاپ ءِ دمگ دمب ءَ سلاہ بندیں مردماں آلو ءِ سر ءَ تیرگواری کرتگ ءُ کُشتگ –

دمگی مردمانی رد ءَ کُشتگیں مردم ءِ سیادی چیریں ادارھانی جوڑ کرتگیں گل ڈیتھ اسکواڈ ءَ اِنت –

زانگ بہ بیت بلوچستان ءِ جتائیں جاھاں ڈیتھ اسکواڈ ءِ سر ءَ بلوچستان ءِ آجوئی ءِ لوٹوکیں سلاہ بندیں گل اُرش کنگ ءَ اَنت بلے تنی وھدی آلو ءِ کوش ءِ زمہ واری ھچ گل ءَ نہ منّ اِتگ –