لاک ڈاؤن ءَ ھپتاد ءُ پنچ درسد ورنایانی مازَگی جیڑھانی آماچ کرتگ اَنت، سروے رپورٹ

لاک ڈاؤن ءَ ھپتاد ءُ پنچ درسد ورنایانی مازَگی جیڑھانی آماچ کرتگ اَنت، سروے رپورٹ

تبزانتی ءِ رد ءَ یک گوستے ءَ سرپدی بیتگ کہ کورونا ویروس ءِ سبب ءَ لوگاں بندیں ورنا یک دراجیں جیڑھے ءِ آماچ اَنت کہ آ اے گپ ءَ جیڑ اَنت جاور کدی شر بنت-

برتانیہ ءِ رائل سوسائٹی فار پبلک ھیلتھ (آر ایس پی ایچ) ءِ رد ءَ کنگ بیتگیں یک رپورٹے ءَ پدر کنگ بیتگ ھژدہ سال ءَ داں بیست ءُ چار سالی ئیں ورنا لاک ڈاؤن ءُ کورنٹین ءِ جاور ھالاں چَہ مستریں اُمر ءِ مردم گیشتر تکانسر اَنت کہ چریشانی تہ ءَ آیانی اُمر ھپتاد ءُ پنچ سال ءَ گیش اِنت، کماشیں مردمانی کچ ءُ کساس کورونا ویروس ءَ تکانسری چِل ءُ ھپت درسد اِنت –

انیگیں جاوراں اے جھانی نادراھی ءَ مزن اُمریں مردمانی درچ ءَ گیشتر ورنایانی مازگ ءِ جاندراھی ءَ گیشتر جیڑہ پیداک بیگ اِنت جُست ءُ پُرسانی وھد ءَ گیشتر ورنایانی گوشگ اِنت کہ لوگ ءَ بند بیگ ءَ اے تکانسری ءَ مئے ھیال گیشتر نگیگ بنت ءُ ما وت ءَ مازگی رنگ ءَ شر ءُ سلامت سرپد بیگ ءَ نہ اِنت –

شست ءُ دو درسد ورنایانی گوشگ اِنت کہ لاک ڈاؤن ءِ وھد ءَ وت وت ءَ گیشتر ایوکی سما کنت ءُ ایوکی ءِ سما گیشتر تکانسری ءِ نیمگ ءَ کشان کنت وھدےکہ شست ءُ پند درسد ھپاد ءُ چار سالی اُمرانی ٹولی ءِ تہ ءَ بس بیست ءُ یک درسد گوشت آ بس کورنٹین ءَ وت ءَ وتی ایوکی سما کن اَنت –

آر ایس پی ایچ ءِ رد ءَ بیست ءُ پنچ سال ءَ جھلتریں ورنا گیشتر ھمے واستا تکانسر اَنت کہ ھم ءَ تکاں گوں بندوک اَنت کہ البت وانگ جھانی نادراھی ءِ سبب ءَ بند اَنت لوگ ءَ نندگ ءُ آیاں تکانسریانی دیمپانی کنگ کپگ اِنت آئی ءَ اے ھک گوشت کہ بازیں پریشانی ءُ نندگ ءُ جیڑگ ءَ آیانی جند ءِ جان ءِ سر ءَ آسر کپت کنت

برتانیہ ءِ جانسلامتی ءِ ٹپاسکار ءِ سوسائٹی ءَ تبزانتی ءِ بارو ءَ شمبے ءِ روچ ءَ ھپتگی ءَ پَٹ ءُ پول بندات کرتگ برتانیہ ءِ تبزانتی ءِ رد ءَ شمبے ءَ ھژدہ مَئی داں بیست ءُ چار مئی ءَ دارگ بیت ءُ امریکہ ءَ چار ءَ چَہ دَہ اکتوبر ءَ داں اے ھپتگی مراگشانی ترامگامی بندات کنگ بنت –

آر ایس پی ایچ ءِ کسان کمک سرکماش شرلی کرامر ءَ لاک ڈاؤن ءُ کورنٹین ءِ بارو ءَ گُشت کہ اے چیز مئے درستانی واستا چلینچی ءِ بلئے مارا گیشتر ورنایانی بارو ءَ پکر ءُ سما اِنت پرچاکہ اے جاورانی تہ ءَ بازیں جیڑگ ءُ چیزانی آماچ چریشی ءِ سبب ءَ آیانی جان ءُ جسم ءَ آسر کپت کنت

آئی ءَ گوشت کہ اگاں مارا ورنا اے مازَگی لاک ڈاؤن ءَ کپتگیں آسر ءَ رکینگی اَنت گڑا مارا ورنایانی کمک کنگی اِنت کہ اے کپتگیں آسر ءَ گوزگ ءَ اَنت –

اے پٹ ءُ پولی ٹپکاسکاری سِی یک ءُ مارچ داں ھشت اپریل ءَ کنگ بیتگ چریشی ءَ اے گپ پدر بیتگ کک ھژدر چَہ بیست ءُ چار سالی ئیں ورنا پنچاہ ءُ ھشت درسد مردم لاک ڈاؤن ءِ وھد ءَ برتانیہ ءِ سرکار ءِکرتگیں مسام ءَ گوں تپاک نہ بیتگ اَنت-

سِی ءُ ھشت درسد ورنایاں گشتگ اَت کہ لاک ڈاؤن ءِ سبب ءَ مئے واب ءُ ھراب اِنت جوانی ءَ وپت کنگ ءَ نہ اِنت ھپتاد ءُ پنچ سالی مردمانی شکایت پانزدہ درسد بیتگ اَت –

انگلینڈ ءِ دگہ یک تبزانتی پاؤنڈیشنے ءِ سروک ڈاکٹر انٹونس کوسولس ءَ گْوشت کہ اے جاورھال تکانسری اِنت بلئے ابکھی نہ اِنت بلے میان اُستمانی نادراھی ءِ سبب ءَ بیتگیں لاک ڈاؤن ءَ ورنایانی مازگاں یک جیڑگے ءِ یل کنگ ءُ دومی ءِ ودی کنگ ایر کرتگ –

آئی ءَ گوشت کہ لاک ڈاؤن ءِ سبب ءَ ورنایانی تہ ءَ وانگ، سیادی، دوستی ءُ چاگری کارانی مزنیں ناوشی ءِ ودی کتگ ءُ زرکاری ءُ ملازمانی جاورانی سر ءَ گیشیں بوج ایر کرتگ