باسط زھیر
منی مادر
منی قبلہ
منی دنیا
دمانءِ بہ رسیت
منا موکل
پدا تئی بہشتیں
کنٹءَ
واب کپگ لوٹاں
تئی پاکیں آستونکءَ
چہ گوات ورگ لوٹاں
من چنچو تلوساں
من چنچو زنزراں
منارا زھیر کنت
پہ تئی آبریشمیں
دستاں
کہ سمارءِ وھدے
منی موداں
ہمے سہتءَ
ندارگ جنّتءِ
دیستگ
تئی
نازینک ءُ ھالو
منی گوشاں کپنت وھدے
دلءَ تاہیر بکشایاں
نہ بیت کسّی پکار
اے ساہتءَ
چہ دنیاہا پراموش باں
نیست ہچّ ءِ تماہ
نہ بیت لوٹ ءُ تلب
منی اماں
منی لمہ
منی مادر
منی جنت
منی قبلہ
منی دنیا
من
چدا چہ سرگرگ لوٹاں
پدا واتر کنگ لوٹاں
تئی دیدارءَ کنگ لوٹاں