بلوچستان: کیچ ءَ پاکستانی لشکر ءِ سر ءَ اُرش، میجرے ءَ ھوار 6 کارندہ جنگ بیتگ ءُ 1 ءِ زدگ

تربت ءَ یک دمگی دمگدارے ءِ رد ءَ ایپ سی ءِ گاڑی ءِ سر ءَ ناشناساسیں سلاہ بندیں مردماں شوروانی گون ءَ نشانگ کرتگ –

ٹی بی پی ءَ سر بیتگیں ھالانی رد ءَ کیچ ءَ ناشناسیں سلاہ بندیں مردماں پاکستانی لشکر ءِ گَشتی ٹولی ءِ گاڑی بمب تراکے ءَ گوں نشانگ کرتگ، چریشی ءِ آسر ءَ میجرے ءَ ھوار 6 کارندہ جنگ بیتگ –

اُرش کیچ ءِ دمگ تگران،کلگ، ابدوئی ءِ نزیک ءَ بیتگ-

اُرش ءَ جنگ بیتگیں کارندھانی پجار میجر ندیم، نائک جمشید، لانس نائک تیمور، لانس نائک ھزر، سپاھی ساجد ءُ سپاھی ندیم ھوار اَنت زدگ بیتگیں کارندھے پجار سپاھی پیسل ءِ نام ءَ زانگ بیتگ –

بیتگیں اُرش ءِ زمہ واری تنی وھدی ھچ گل ءَ پہ وت ءَ نہ زُرتگ