سبی: پولیس ءِ پانگسے ءِ سر ءَ تیر گواری، دو کارندہ زدگ

پرپٹ ءَ سواریں ناشناسیں اُرشکاراں تیرگواری کرتگ ءُ تتکگ اَنت –

بلوچستان ءِ دمگ سبی “سَے تالاب ” پولیس پانگس ءَ گوستگیں شپ ءَ ناشناسیں سلا بندیں مردماں تیرگواری کرتگ، تیرگواری ءِ آسر ءَ اے ایس آئی ھامد ءُ سپاھی مینگل زدگ بیتگ اَنت –

پرپٹ سواراں تیرگواری کرتگ ءُ تتکگ اَنت ءُ زدگ بیتگیں ایدھی ایمبولینس ءِ سر ءَ سرکاری نادراہ جاہ ءَ برتگ اَنت –

ویل ءِ ھال ءِ سر بوگ ءَ پولیس ءُ دمگدار نادراہ جاہ ءَ سر بیتگ اَنت –

پولیس ءِ بنشون ءِ گوشگ اِنت کہ ارشکارانی کچ دو بیتگ –

بنشون ءِ گوشگ اِنت اے ایس آئی ھامد ءِ جاور نگیگ اَنت –