گوادر: پاکستانی لشکر ءَ مسیت ءَ یک مردمے آوار جتگ

پاکستانی لشکر دبوج ءِ وھد ءَ مسیت ءَ مانریتکگ ءُ یک مردے گروانک روپ کرتگ ءُ وتی ھمراھی ءَ برتگ –

ٹی بی پی ءَ گوادر ءَ چَہ سر بیتگیں ھالانی رد ءَ جیوانی ءِ دمگ دمگ پانوان ءَ گوستگیں دبوج ءِ وھد ءَ پاکستانی لشکر ءُ چیریں ادارھانی کارندھاں یک مسیتے ءِ سر ءَ بیڑ برتگ ءُ مسیت ءَ چہ سادِک نامے مردمے دزگیر کرتگ ءُ برتگ –

یک دمگی مردمے ءَ دی بلوچستان پوسٹ ءَ گوں گپ کنان ءَ گْوشت کہ سے روچ ءَ پیسر پاکستانی لشکر ءَ ھمے دمگ ءَ شپ ءِ بے وھد ءَ لوگے ءِ سر ءَ بیڑ برتگ ءُ یاسر ء پیر مھمد آوار جتگ ءُ برتگ ءُ ترندیں لٹ شاپ کنگ ءَ پد ٹپ ءُ ٹوریں جاوراں یلہ کرتگ –

زانگ بہ بیت گوستگیں مگرب ءَ بیگواہ بیتگیں سادِک ءُ آئی ءِ برات آدل یک برے پیسر ءَ ھم آوار جنگ بیتگ اَنت –

سادک ءِ دزگیری ءُ بیگواھی ءِ بارو ءَ ٹی بی پی ءَ دمگداراں چَہ جست ءُ پرس ءِ جھد کت گڑا آئی ءَ اے بارو ءَ پسو دیگ ءَ گپ نہ کرتگ ءُ بلے یک کارندھے ءَ نام نہ گشتگ ءُ گپ کنان ءَ اے گپ جت کہ لھتے وھد ءَ پیسر گوادر ءِ دمگ کنز ءَ اوشن سوسائٹی پروجیکٹ ءَ سی پیک ءِ بگیری ءَ دیوالانی سر ءَ نبشتگ کرتگ چریشی ءِ سبب ءَ چیریں ادارھاں گامگیج زُرتگ ءُ مھلوک ترسینتگ ءُ لڈی باری ءِ لاچاری کرتگ اَنت

دمگدار ی کارندہ ءَ گوشت کہ چیریں ادارھانی کارندھاں ھمے دمگ ءَ مئے جاڑیگی ءَ تاج بلوچ بندی ءِ جھمنند آ ھم دزگیر کنگ بیتگ ءُ برگ کہ تنی وھدی بیگواہ اِنت –

زانگ بہ بیت بلوچستان ءَ پاکستانی لشکر ءُ چیریں ادارھانی دستاں جتائیں جاھاں لشکر کشی، مردمانی دزگیریانی درچ یکشل ءَ برجاہ اَنت-

بلوچستان ءَ بیگواھیانی بگیری ءَ شال ءُ کراچی ءَ گوستگیں یک دیھکے ءَ بیگواھیں مردمانی کھول زھر شانی کنگ ءَ اَنت –