کیچ ءَ لشکر ءَ یک مردمے آوار جتگ

بلوچستان ءِ جتائیں جاھاں لشکر ءِ دست ءَ مردمانی بیگواھی یکشل ءَ برجاہ اَنت –

رس اِتگیں ھالانی رد ءَ گوستگیں بیگاہ ءَ پاکستانی لشکر ءَ تربت آبسر آسکانی بازار ءَ سِی سالی ئیں پکیر ء دلوش دزگیر کرتگ ءُ ناشناسیں جاھے ءَ برتگ –

زانگ بہ بیت بلوچستان ءَ بیگواھیں مردمانی جیڑہ روچ پہ روچ نگیگ بیان اِنت ءُ بی این ایم ءِ انپارمیشن سیکریٹری دلمراد بلوچ ءَ گوستگیں روچ ءَ انسانی ھکانی جاور ھالانی سر ءَ ماھی ھال شنگ کرتگ اَنت –

آئی ءَ گُشتگ کہ اپریل ءِ ماہ ءَ آواران، کیچ، پنجگور، مشکہ، جائو، مند، دشت، بلیدہ، زامران، پروم، کاھان ءُ تلی ھوار بلوچستان ءِ جتائیں جاھاں لشکری زوراکی ءُ رستریانی آماچ اَنت،

اے لشکر کُشیانی وھد ءَ لشکر ءَ سد ءَ چَہ گیش مردم دزگیر کرتگ ءُ لھتے شھید کرتگ ءُ بازیں گِسے سوتکگ –