سرجمیں جھان ءَ کورونا وائرس ءِ آماچ بیتگیں مردمانی کساس 29 لک 94 ھزار 958 بیتگ ءُ 2 لک 6 ھزار 997 مردم بیران بیتگ ۔
کورونا وائرس ءِ سرجمیں جھان ءَ 19 لک 9 ھزار ءُ 6 نادراھانی انگت نادراہ جاھاں الاج بیگ ءَ اِنت کہ ایشانی تہ ءَ گیشترینانی جاور نگیگ اِنت ءُ 8 لک 78 ھزار ءُ 955 نادراہ چہ اے نادراھی ءَ وش بیتگ اَنت ءُ نادراہ جاھاں چہ وتی لوگاں واتر بیتگ اَنت۔
داں اے وھد ءَ امریکہ درستاں گیشتر کورونا وائرس ءِ آماچ بیتگیں ڈیھ اِنت کہ اود ءَ نادراھانی کساس ءُ بیرانی ھم جھانیں دگہ درستیں ڈیھاں چہ گیشتر اَنت۔
امریکہ ءَ داں اے وھد ءَ کورونا وائرس ءِ سوب ءَ 55 ھزار ءُ 415 مردم مرگ ءِ دپ ءَ شُتگ اَنت ءُ چہ اِشی ءَ نادراہ بیتگیں مردمانی سرجمیں کساس 9 لک 87 ھزار ءُ 322 ءَ سر بیتگ اَنت۔
امریکہ ءِ نادراہ جاھانی تہ ءَ 8 لک 13 ھزار ءُ 126 کورونا زدگیں نادراہ پہ الاج ءَ اتکگ اَنت کہ ایشانی تہ ءَ گیشتر ینانی جاور نگیگ اَنت ءُ 1 لک 18 ھزار ءُ 781 کورونا آماچیں نادراہ وش بیتگ اَنت۔
اسپین ءَ کورونا ءَ داں انگت 2 لک 26 ھزار ءُ 629 دلجمیں نادراہ دیم ءَ اتکگ اَنت ءُ چہ اے وبا ءَ 23 ھزار ءُ 190 مردم بیران بیتگ ۔
اٹلی ءَ کورونا وائرس وبا ءِ سوب ءَ 26 ھزار ءُ 644 مردم بیران بیتگ کہ اود ءَداں انگت سرجمیں نادرھانی کساس 1 لک 97 ھزار ءُ 675 دیم ءَ اتکگ.
پرانس ءَ کورونا وائرس ءِ نادراھیں 22 ھزار ءُ 856 مردم بیران بیتگ ءُ کورونا ءِ نادراھانی کساس 1 لک 62 ھزار ءُ 100 ءَ سر بیتگ اَنت۔
جرمنی ءَ داں انگت سرجمیں بیرانیانی کساس 5 ھزار ءُ 976 اِنت وھدے کہ کورونا ءِ 1 لک 57 ھزار ءُ 770 کیس دیم ءَ اَتکگ ۔
برتانیہ ءَ کورونا ءَ چہ مروکانی کساس 20 ھزار 732 ءَ سر بیتگ ءُ کورونا آماچیں مردمانی کساس 1 لک 52 ھزار ءُ 840 بیتگ اَنت۔
ترکی ءَ کورونا وائرس ءَ چہ بیران بیتگیں مردمانی کساس 2 ھزار ءُ 805 بیتگ اَنت ءُ کورونا ءِ سرجمیں کیسانی کساس 1 لک 10 ھزار ءُ 130 ءَ رس اتگ اَنت ۔
ایران ءِ تہ ءَ کورونا وائرس ءَ چہ مرتگیں مردمانی سرجمیں کساس 5 ھزار ءُ 710 ءَ رس اتگ ءُ کورونا آماچیں مردمانی کساس 90 ھزار ءُ 481 ءَ سر بیتگ اَنت۔
چیں کہ چہ ھمود ءَ اولی کورونا ءِ کیس دیم ءَ اتکگ اود ءَ چہ اے وائرس ءَ سرجمیں مِروکانی کساس 4 ھزار ءُ 633 بیتگ اَنت ءُ نادراھانی کساس 82 ھزار ءُ 830 بیتگ اَنت۔
کورونا وائرس ءِ سوب ءَ روس ءَ سرجمیں بیرانی کساس 747 بیتگ اَنت ءُ نادراھانی کساس 80 ھزار ءُ 949 ءَ سر بیتگ۔
سئودی ارب ءَ کورونا وائرس ءِ سوب ءَ داں انگت 139 بیرانیانی ھال دیم ءَ اتکگ ءُ نادراھانی کساس 17 ھزار ءُ 522 ءَ شُتگ ءُ سر بیتگ اَنت.