بلوچستان ءِ دمگ کیچ ءِ ھند بُلیداہ ءَ پاکستانی لشکر ءِ بنجل ءِ سر ءَ سلاہ بندیں مردمانی اُرش ءِ اھوال دیم ءَ اتکگ انت۔
دمگی مردمانی گْوشگ اِنت کہ اے اُرش ءِ وھد ءَ سلاہبنداں میناز ءِ دمگ ھم انگر کتگ ءُ جتاجتائیں جاھاں ناکہ بندی کتگ۔ دمگی مردمانی گشگ انت کہ ارش کنوکاں مزنیں کساسے ءَ جنین آدم ھوار بوتگ انت۔
انگت ءَ واکداراں اے اُرش ءِ بابت ءَ درشان نہ داتگ ءُ نہ کہ کسے ءَ اے اُرش ءِ زمہ واری زرتگ۔
ھمے وڑ ءَ ڈیرہ مراد جمالی پولیس تھانہ چھتر ءِ سیمسراں ناشناسیں مردماں گوستگیں شپ ءَ دگ ءِ کار کنوکیں کمپنی ءِ سر ءَ اُرش کتگ۔
اھوالانی رد ءَ سلاہ بنداں دو دمگی مزدور رستم بگٹی ءُ فیاض علی بگٹی آوار جتگ ءُ برتگ انت۔