نوشکی ، کلات ءُ سوراب ءَ پاکستانی پوج ءِ سر ءَ اُرش، بیرانیانی ھال

بلوچستان ءِ جتاجتائیں دمگاں نوشکی ، کلات ءُ سوراب ءَ پاکستانی پوج ءِ سر ءَ اُرش کنگ بیتگ جانی تاوان ءِ ھال-

گیشیں ھالانی کلات ءِ ھند مرجان ءَ سلاہ بندیں مردماں پاکستانی پوج ءِ پیادگ کارندھانی سر ءَ آئی ای ڈی اُرش ءِ نشانگ کتگ-

اُرش ءَ پاکستانی پوج ءِ دو کارندہ بیران ءُ بازین ئِے ٹپی بیگ ھال اِنت-

ھمے وڑ کلات ءِ ھند منگچر چوٹانک ءِ ھند سر ءَ آپریشن ءِ نیئت ءَ چہ دمگ ءَ پیشگامی کنوکیں پاکستانی پوج ءِ اُرشانی نشانگ کتگ اَنت-

دومی نیمگ ءَ نوشکی ءَ ھژدہ خول ءِ ھند سر ءَ برجاہ پاکستانی پوج ءِ بُنجل ءِ سر ءَ سلاہ بندیں مردماں تُرندیں اُرشے کتگ- اود ءَ بازیں کلاکاں چہ تیرگواری ءُ تراکانی توار اش کنگ بیتگ-

ھمے وڑ سوراب ءِ دمگ گدر ءَ مروچی سُھب ءَ پاکستانی پوج ءُ بلوچ آجوئی لوٹوکانی میان ءَ تُرندیں میڑ برجاہ بیگ ھال اِنت، وھدے کہ ھالانی رِد ءَ اے میڑ ءِ میان ءَ پاکستانی پوج ءَ جانی تاوان ھم چست کنگ کپتگ-

دمگی ھالانی رِد ءَ دمگ ءَ تیرگواری ءِ رِد ءَ سھب ءَ چہ برجاہ بیتگ-

تنی وھدے اے وئیلانی زمہ واری ھچ گلاں نہ زرتگ اَنت-