گلستان پنکئی ءَ پولیس پوسٹ ءِ سر ءَ اُرش، ایکسیویٹر مشین ءِ کمک ءَ چار کمرھانی ماڑی دور داتگ۔
بلوچستان ءِ دمگ قلعہ عبداللہ ءِ ھند گلستان ءَ ناشناسیں سلاہ بندیں مردماں پنکی پولیس پوسٹ ءِ ماڑی ڈروینتگ۔
پولیس ءِ بنشون ءِ رد ءَ سلاہ بندیں مردماں گوں ایکسیویٹر مشین ءِ کمک ءَ پولیس پوسٹ ءِ ماڑی دور داتگ۔ گوستگیں روچ ءَ نزیک ءَ چار کمرہ ءِ سر ءَ ھواریں ماڑی ءِ لھتیں بھر سلاہ بندیں مردماں تباہ کتگ انت بلے ایکسکیویٹر مشین ءِ تہ ءَ تیل ءِ ھلاس بوھگ ءِ سبب ءَ آ ماڑی ءَ سرجم ءَ دور دیگ ءَ سوبین نہ بوتگ انت۔
پولیس ءِ رد ءَ پد ءَ دو بر سلاہ بندیں مردم اتکگ ءُ ماڑی ءِ پشکپتگیں بھر اش دور داتگ۔
ھمے وڑ ءَ کلات ریکروٹ ٹریننگ سینٹر ءِ کارندہ ھپتگی چھٹیاں وتی لوگاں روگ ءَ بیتگ انت کہ سلاہ بندیں مردماں گورگینہ ءِ ھند ءَ وین داشتگ۔
اھوالانی رد ءَ مستونگ ءَ سلاہ بندیں مردماں یک مساپر بریں وینے داشتگ ءُ 20 ھیلکاری پولیس کارندہ آوار جتگ انت۔
پولیس ءِ رد ءَ وئیل آدینگ ءِ روچ ءَ پیش اتکگ کہ گورگینہ ءِ ھند ءَ لنک روڈ ءَ پیش اتکگ ۔ اے دگ کلات ءُ مستونگ ءَ نوشکی ءَ ھوار کنت۔