چاگی: ریکوڈک پروجیکٹ ءِ کاروان ءُ سیکیورٹی ءِ سر ءَ اُرش،سلاہ بنداں لیویز ءِ چوکی دستیگ کتگ انت

چاگی ءَ سلاہ بندیں جنگ ءُ لیویز ءِ پوسٹانی گرگ ، جنگ ءُ چوپانی میان ءَ جانی تاوانانی ھال انت-

بلوچستان ءِ دمگ چہ چاگی ءَ ھالانی رد ءَ سلاھبنداں چاگی کانالءُ لیڑہ ریک ءَ دو پوسٹ گپتگ ءُ سئے گاڑی یک ایل ایم جی ءُ دگہ چار سلاہ دستیگ کتگ انت۔

ھالانی رد ءَ سلاہبنداں اود ءَ جاڑیگیں کارندہ گپتگ ءُ پد ءَ یل داتگ انت-

دومی نیمگ ءَ چاگی ءِ دمگ نوکچاہ ءَ سلاہ بندیں مردماں ریکو ڈک پروجیکٹ ءِ کاروان ءُ آئی ءِ سیکورٹی فورسز ءِ سر ءَ اُرش کتگ ءُ اود ءَ سلاہ بندیں مردم ءُ پاکستانی لشکر ءِ نیام ءَ بازیں وھدے ءَ جنگ ءُ چوپ برجاہ بوتگ۔

پاکستانی لشکر ءَ اے اُرش ءِ تہ ءَ جانی تاوان ءِ ھال رس اِتگ ءُ پاکستانی اُرد ءِ کارندھاں ٹاہ داتگ کہ اُرش ءَ پد آپریشن ءُ جوابی اُرش ءَ 11 اُرش کنوک بیران بوتگ اَنت۔

اھوالانی رد ءَ سیکورٹی پروجیکٹ ءِ کاروان چہ چاگی ءَ شال ءَ برگ بوھگ ءِ وھد ءَ ریکو ڈک پروجیکٹ ءُ پاکستانی لشکر ءِ کاروان ءِ سر ءَ سلاھبنداں اُرش کتگ ۔

دمگ ءَ سیکورٹی ءِ جاور ھال ناگیگ اَنت ءُ ھمے وھد ءَ سلاہ بندیں مردمانی ھست بوھگ ءُ جتا جتائیں جاھاں گوں لشکر ءَ جنگ ءُ چوپانی ھال بوتگ انت۔