بلوچستان لبریشن پرنٹ ءِ جارکش میجر گْوھرام بلوچ ءُ شنگ کتگیں درشان ءِ تہ ءَ گْوشتگ کہ مئے سرمچاراں سی اگست 2026 ءَ پسنی ءِ دمگ شادی کور ءَ دوکانی کراس ءِ ھند سر ءَ زورگریں پوج ءِ یک پھازداری سنگر آئی ای ڈی بمب ءَ چہ نشانگ کتگ- سرمچاراں پوجی سنگر ءَ بمب کل کتگ، کہ انچش پوجی کارمند سنگر ءَ پُترتگ اَنت بمب ترکّ اِتگ چریشی ءِ آسر یک پوجی کارندھے جاہ پہ جاھی مرتگ ءُ یکے ٹپی بیتگ-
جارکش ءَ گْوشتگ دگہ یک کاروائی ءَ بی ایل ایف ءِ سرمچاراں 28 اگست 2026 ءَ ھُزدار ءِ دمگ توتک ءَ ریاستی کُشندہ ٹولی ءِ سروک شفیق مینگل ءِ سئے جتاجتائیں بُنجلانی سر ءَ یکیں وھد ءَ اُرش کتگ – اے اُرش ءِ آسر ءَ اود ءَ ساڑی کُشندہ ٹولی ءِ چار کارندہ مرتگ، وھدے کہ یک کارندھے سرمچاراں زندگی دزگیر کتگ کہ اے وھد ءَ گل ءِ دست ءَ اِنت ءُ آئی ءِ جُست ءُ پُرس برجاہ ءَ اِنت- اے بُنجل شفیق مینگل ءِ ھما آزارجاہ ءُ بُنجاہ ءَ اِنت اود ءَ چہ 2014 ءَ 170 ءَ چہ ءَ گیش بیگواھیں بلوچانی مُچی کبر ءُ لاش دزکپتگ اَنت-
جارکش ءَ گْوشتگ کہ دگہ یک کاروائی ءَ 27 اگست 2026 ءَ بی ایل ایپ ءِ سرمچاراں نوشکی ءِ دمگ کچکّی ءَ لاگر کوہ ءِ ھند سر ءَ برجاہ زورگریں پوج ءِ پھازداری چوکی ءِ سر ءَ اسنائپر ءَ چہ اُرش کتگ- نشانگ کتگیں اے کاروائی ءِ آسر ءَ یک پوجی کارمندے یے جاہ پہ جاھی مرتگ-
جارکش ءَ گْوشتگ کہ دگہ یک کاروائی ءَ 25 اگست 2026 ءَ سرمچاراں ھاران شھر ءَ برجاہ ڈی آئی جی پولیس، رکشان ءِ کارگس دستی بمب ءَ چہ اُرش ءِ نشانگ کتگ- دستی بمب کارگس ءِ تہ ءَ کپتگ، چریشی ءِ آسر ءَ اود ءَ ھستیں بازیں کارندھے ٹپی بیتگ اَنت ءُ دُژمن ءَ را تاوان ءِ دیمپانی کنگ کپتگ-
ھمے وڑ دگہ درشانے ءَ بلوچستان لبریشن فرنٹ ءِ جارکش میجر گْوھرام بلوچ ءَ وتی درشان ءَ گوشتگ کہ 29 اگست 2026 ءِ روچ ءَ سے ءُ نیم ءَ ماشکیل شھر ءَ کاروائی کتگ ءُ شھر ءِ دستیگ کنگ ءَ سرمچاراں شش ٹولیانی بھر بوتگ اَنت ءُ یکیں وھد ءَ وتی نشانگانی سر ءَ اُرش کتگ۔
جارکش ءَ گوشتگ کہ آپریشن ءِ بندات ءَ اولی سر ءَ سرمچاراں شھر ءِ درسیں راہ بستگ اَنت ءُ گاڑی پٹ ءُ پول کرتگ۔ اے وھد ءَ سرمچارانی یک ٹولی یے ءَ کسٹم ءِ تھانہ دستیگ کتگ ءُ اود ءَ ساڑی ئیں درسیں کارندہ دزگیر کتگ اَنت تھانہ ءِ ریکارڈ ءُ سامان مانداشتگ اَنت ءُ یک گاڑی یے برتگ۔ دزگیر کتگیں کارندہ رند ءَ یل داتگ اَنت۔ دگ بندی ءِ وھد ءَ پہ کمک ءَ پوج ءِ دیم ءَ آیگ ءِ جھد کتگ پیسر ءَ سنگر گپتگیں سرمچاراں اُرش کتگ ءُ پوج ءِ چار کارندہ جاھی مرتگ ءُ دو ٹپی بیتگ اَنت۔
جارکش ءَ گوشتگ کہ دومی بھر ءَ سرمچاراں پولیس تھانہ ءِ سر ءَ اُُرش کتگ ءُ دستیگ کتگ اود ءِ کارندہ دزگیر کتگ اَنت ءُ تھانہ ایریں درسیں سلاہ ءُ سامانی دستیگ کنگ ءَ پد سرمچاراں تھانہ ءُ سرکاری ریکارڈ مانداشتگ اَنت۔ دزگیر کرتگیں درسیں کارندہ رند ءَ یل داتگ اَنت۔ چہ ایشی ءَ پد سرمچاراں تھانہ سنگر گپتگ اَنت ءُ پوج ءِ بنجل ءِ سر ءَ اُرش کتگ۔ اے وھد ءَ پوج ءِ یک کواڈ کاپٹرے سرمچاراں جتگ۔ پوج ءَ باز مارٹر گولا آس داتگ کہ آ آبادی ءِ تہ ءَ کپتگ اَنت۔
آئی گوشتگ کہ سیمی بھر ءَ سرمچاراں ماشکیل ءَ پوج ءِ مزنیں بنجل ءِ گیٹ ءِ نزیک ءَ سنگر گپتگ ءُ اُرش کتگ۔ بنجل ءِ گیٹ ءِ نزیک ءَ دو چوکی سرمچاراں گوں راکٹر ایل ایم جی ءُ گرنیڈ لانچر ءَ تباہ کتگ اَنت۔ چہ ایشی ءَ پوج ءِ پنچ کارندہ مرتگ ءُ لھتیں ٹپی بوتگ۔ ھمے وڑ ءَ کمشنر ھاؤس ءِ نزیک ءَ پوج ءِ یک بکتر بند گاڑی یے ءَ ھوار سَے گاڑیاں سرمچارانی انگیر کنگ ءِ جھد کتگ کہ سرمچاراں پسھی کاروائی ءَ آ بے سوب کتگ اَنت۔ اے میڑ ءَ پوج ءِ دگہ سے کارندہ مرتگ ءُ چار ٹپی بیتگ اَنت۔
آئی ءَ گوشتگ کہ چارمی بھر ءَ سرمچارانی دگہ ٹولی یے ءَ پوج ءِ بنجل ءِ سر ءَ چہ دومی نیمگ ءَ گوں راکٹ، گرنیڈ لانچر ءُ وتکاریں سلاھاں اُرش کتگ۔ اے اُرش ءَ پوج ءِ دگہ دو چوکی تباہ بیتگ ءُ سرمچاراں بنجل ءِ تہ ءَ تچک ءَ کوارٹر نشانگ کتگ اَنت چہ ایشی ءَ پوج ءِ دگہ شش کارندہ مرتگ ءُ باز ٹپی بیتگ اَنت۔ اے کاروائی ءِ وھد ءَ سرمچاراں بالیگی چاریگ ءَ پوج ءِ یک کواڈ کاپٹر ءُ یک نوکیں سرویلینس ڈرونے تباہ کتگ۔
جارکش ءَ گوشتگ کہ سرمچارانی یک دگہ ٹولی یے ءَ ماشکیل ءَ پوج ءِ دومی بنجل انگیر کتگ ءُ گوں راکٹ ءُ آدگہ مزنیں سلاھاں دو سنگر تباہ کتگ۔ چہ ایشی ءَ پوج ءِ چار کارندہ مرتگ ءُ لھتیں ٹپی بیتگ۔ پوج ءِ یک دگہ کوڈ کاپٹرے جتگ ءُ دور داتگ۔
جارکش ءَ گوشتگ کہ پنچمی بھر ءَ شھدگ ءَ ساڑی ئیں سرمچارانی ششمی ٹولی ءَ پہ کمک ءَ چہ بزکوھی بنجل ءَ آیوکیں پوج ءِ کاروان ءِ سرءَ لدگشت ءَ اُرش کتگ۔ اے اُرش ءَ پوج ءِ سئے کارندہ مرتگ ءُ سَئے ٹپی بیتگ اَنت۔ آدگہ گاڑی واتر بزکوھی بنجل ءَ شتگ اَنت۔
جارکش ءَ گوشتگ کہ بی ایل ایف بلوچ راجی آجوئی زرمبشت ءَ تھنا زمین ءُ مڈیانی جیڑہ سرپد نہ بیت بلکیں اے بلوچستان ءِ زمین ءَ داں بلوچ راجی آجوئی، راجی پجار ءِ پھریزگ ءِ راجی مول ءِ جیڑھے۔ ماشکیل ءِ وڑیں مزن ءُ گوستانکی شھر ءَ بیوکیں آپریشن ءِ مول تھنا پوجی زور ءِ پیش دارگ نہ اَت بلکیں پاکستانی ریاست ءِ نوک آبادکاری ءُ پوج ءِ پوجی گروناکی ءِ ھاکاں ھوار کنگ اَت۔
میجر گْوھرام بلوچ ءَ گوشتگ کہ بلوچستان ءِ شھراں بی ایل ایپ ءِ اے سوبمندیں کاروائی ھمے گپ ءِ تچکیں منانک اَنت کہ بلوچ سرزمین ءِ سر ءَ ریاست ءِ زورگری گوں تیزی ءَ ھلاس بوگ ءَ اِنت۔ بی ایل ایپ دوبر ھمے کول ءَ کنت کہ داں وتن ءِ آجوئی ءَ پہ ریاست ءُ آئی کمکاراں زمین ھمے رنگ ءَ تنگ کنگ بیت۔ اے کاروائی ءِ سرجم کنگ ءَ پد درسیں سرمچار پہ سلامتی وتی بندراں شتگ اَنت۔
درشان ءِ گُڈی ءَ میجر گوھرام بلوچ بیتگیں سرجمیں اُرشانی زمہ واری منّ اِتگ اَنت-