بلوچستان ءَ پُھلانی تراک ءِ درچ یکشل ءَ برجاہ ءَ اِنت، سے کسٹم کارندہ دزگیر کنگ بوتگ اَنت

بلوچستان ءِ جتاجتائیں دمگ شھدگانی ھمگرنچیں پُھلانی تراکینگ ءِ دْرچ یکشل ءَ برجاہ ءَ اِنت-

گیشیں ھالانی رِد ءَ سے شمبے ءِ بیگاہ ءُ شپ ءَ کھڈکوچہ ءِ دمگ ریکی بوز ءِ ھند سر ءَ بُنجاھی شھدگ سر ءَ برجاہ یک پُھلے تراکینگ بیتگ-

تراک انچش تُرند بیتگ کہ چریشی ءِ سوب ءَ نزیکیں لوگانی چتاں ھم تاوان رس اِتگ، بلے ھچ وڑیں جانی تاوان ءِ ھال نیست-

دومی وئیل چوتو مل ءِ نزیک ءَ یک پُھلے ھم تراکناکیں شورواں چہ تباہ کتگ- دوئیں وئیلاں پد شال کراچی شھدگ سر ءَ گاڑیانی روگ آیگ مھتلی ءِ تُرس-

ھمے وڑ ھاران ءَ سے کسٹم کارندہ سلاہ بندیں مردماں دزگیر کتگ اَنت-

وئیل گوستگیں روچ ءَ دالی ءِ ھند سر ءَ بیتگ اود ءَ سلاہ بندیں ناکہ بندی ءِ میان ءَ سے کسٹم کارندہ دزگیر کتگ اَنت-

تنی وھدے اے وئیلانی زمہ واری ھچ گل ءَ نہ زرتگ اَنت-