بلوچستان ءَ بیتگیں جتاجتائیں اُرشانی زمہ واری بی آر جی ءُ یو بی اے ءَ منّ اِتگ اَنت

بلوچستان ءَ بیتگیں جتاجتائیں اُرشانی زمہ واری بی آر جی ءُ یو بی اے ءَ منّ اِتگ اَنت-

بی آر جی ءِ جارکش دوستین بلوچ ءَ شنگ کتگیں درشان ءِ تہ ءَ گْوشتگ کہ نُھ اگست ءَ بلوچ ریپبلکن گارڈز ءِ جارکش سرمچاراں بلوچستان ءِ دمگ کچھی ءِ ھند ڈھاڈر ءَ زورگریں پاکستانی ریاست نیمگ ءَ چہ بلوچستان ءِ زراعت ءِ تباہ کنوکیں یک زراعتی کارگس تراکناکیں شورو پٹ کتگ ءُ نشانگ کتگ-

جارکش ءَ گْوشتگ کہ تراک ءَ چہ کارگس ءَ تاوان رس اِتگ-

جارکش ءَ دیمتر ءَ گْوشتگ کہ بی آر جی ءِ جارکش ءِ رِد ءَ گوستگیں شپ ءَ بلوچ ریپبلکن گارڈز ءِ سرمچاراں سندھ ءِ ھند شکار پور نزیک ءَ لین ٹاور بمب ءَ چہ تراکینتگ. اے تراک ءِ آسر ءَ دو ٹاورز ءَ سک تاوان رس اِتگ –

ھمے وڑ یونائیٹڈ بلوچ آرمی ءِ جارکش مزار بلوچ ءَ رسانکدر ءَ شنگ کتگیں درشان ءِ تہ ءَ گْوشتگ کہ مئے سرمچاراں گوستگیں بیگاہ ءِ 7:10 بولان ءِ دمگ پنجرہ پُھل دراژ بیٹ ءِ ھند سر ءَ برجاہ زورگریں پاکستانی پوج ءِ چیک پوسٹ ریموٹ کنٹرول بمب تراک ءَ چہ نشانگ کتگ چریشی ءِ آسر ءَ چار کارمند جاہ پہ جاھی مرتگ اَنت ءُ یک سک ٹپی بیتگ اَنت-

جارکش ءَ گْوشتگ کہ مزار بلوچ ءِ رِد ءَ یو بی اے ءِ سرمچارانی نیمگ ءَ چہ یکشل ءَ چاروگی ءَ پد دراژ بیٹ ءُ پنجرہ پُھل چیک پوسٹانی میان ءَ پوجی سُر ءُ پُر چار اِتگ اَنت-

جارکش ءَ دیمتر ءَ گْوشتگ کہ اے یکشلیں چاروگی ءِ آسر ءَ کاروان ءِ روگ آیگ ءُ کارندھانی برگ ءَ چہ سرپدی زرتگ ایپ سی کارندھانی ساڑی نہ بیگ ءِ میان ءَ چیک پوسٹ ءَ یک آئی ای ڈی یے پٹ کتگ ءُ پد ایف سی کارندہ چیک پوسٹ ءِ سر ءَ واتری ءَ پد تراک کتگ، چریشی ءِ آسر ءَ چار کارندہ جاہ پہ جاھی مرتگ ءُ یکے ٹپی بیتگ-

گُڈی دوئیں گلاں بیتگیں اُرشانی زمہ واری منّ اِتگ اَنت گوشتگ کہ اے وڑیں اُرش مئے بلوچستان ءِ وتواجھی ءَ تاں برجاہ بنت-