بلوچستان ءِ تیابدپی شھر گوادر جیونی ءَ پاکستانی پوج ءِ نیمگ ءَ لس مھلوک ءِ لوگانی ڈرینگ برجاہ انت-
چہ جیونی ءَ سر بیتگیں ھالانی رد ءَ پانوان ءَ لس مھلوک ءِ لوگ پاکستانی پوج ءَ گوں مزنیں مشینریاں ڈرینتگ ءُ دور داتگ انت-
دمگی مردمانی گوشگ انت ھمک روچ اود ءَ لس مھلوک ءِ لوگ ءُ جاگہ ڈروینگ بوگ ءَ انت- چریشی ءَ چہ بازیں کساسے ءَ مھلوک ءَ مالی تاوانانی دیمپانی انت-
زانگ بہ بیت گوستگیں ماہ ءَ ھم پاکستانی پوج ءَ جیونی ءَ بازیں لوگے ڈروینتگ ءُ دور داتگ انت-
ایشی ءَ ابید بلوچستان ءِ جتا جتائیں جاہ نوشکی، کیچ ءُ دگہ جاھاں ھم ھمے ڈول ءَ مھلوک ءِ لوگ ڈروینگ بیتگ انت-