بلوچستان ءِ بنجاھی شھر چہ شال ءَ یک ورنایے زورانسری ءَ بیگواہ کنگ ءِ وئیل دیم ءَ اتکگ ۔
شال ءِ نندوکیں صدام حسین ء ء بلال احمد ءَ یک شمبے ءِ روچ ءَ ساھت ءِ 12بج ءِ نزیک ءَ پاکستانی انٹیلی جنس کارندھاں شال شاپنگ مال ءِ نزیک ءَ دزگیر کتگ ءُ ناشناسیں جاھے ءَ برتگ ءُ ایشی ءَ پد آئی ءِ بارو ءَ ھچ اھوال دیم ءَ نیتکگ انت-
کھول ءِ گشگ ءِ رد ءَ صدام حسین پیشہ ءِ رد ءَ دکاندارے ءُ ھمے وھد ءَ لس پوشاکیں مردماں آ دزگیر کتگ ءُ برتگ۔ وئیل ءَ چہ پد آئی ءِ بابت ءَ ھچ وڑیں ھال ءُ اھوال دیگ نہ بوتگ۔
کھول ءِ گْوشگ اِنت کہ اگاں صدام حسین ءِ سر ءَ ھرچ وڑیں کیس ءُ بھتامے ھست گڑا آ کانود ءِ رد ءَ آمیدگس ءَ پیش کنگ بہ بیت اگاں نہ آ زوت یل کنگ بہ بیت ءُ آئی ءِ کھول ءِ دست ءَ دیگ بہ بیت۔