بلوچستان ءِ جتاجتائیں دمگاں پاکستانی پوج ءِ سر ءَ اُرش کنگ بیتگ

بلوچستان ءِ جتاجتائیں دمگاں پاکستانی پوج ءِ سر ءَ اُرش کنگ بوتگ-

گیشیں ھالانی رِد ءَ پاکستانی پوج ءِ سر ءَ تراکے بوتگ- دمگی اِھوالکار ءِ رِد ءَ وئیل ھما وھد ءَ بوتگ وھدے پوج وتی چوکیاں راشن برگ ءَ دلگوش بیتگ-

اِھوالکار ءِ رِد ءَ تراک ءَ پد پوج چہ دمگ ءَ پُشتکنزی کتگ، بلے سرکاری ھساب ءَ اے درگت ءَ ھچ وڑیں گپ دیم ءَ نیتکگ-

زانگ بہ بیت کہ مروچی سُھب ءَ شال –ھاران بُنجاھی شھدگ سر ءَ کلی کریم بخش ءِ نزیک ءَ ھم سلاہ بندیں مردماں پاکستانی پوج اُرش ءِ نشانگ کتگ- اے میان ءَ شھدگ سر ءَ سُر ءُ پُر کنگ ءَ بیتگ اَنت-

دومی نیمگ ءَ ھاران ءَ سی پیک گوادر دگ سر ءَ ناشناسیں سلاہ بندیں مردمانی نیمگ ءَ چہ ناکہ بندی ءُ گاڑیانی پٹ ءُ پول کنگ ءِ ھال دیم ءَ اَتکگ- اِھوالکار ءِ رِد ءَ سلاہ بندیں مردماں شھدگ ءَ چہ گْوزوکیں بازیں گاڑی پٹ ءُ پول کتگ اَنت، وھدے کہ دو ٹرک داشتگ ءُ وتی دستیگ کنگ ءَ پد آ مانداشتگ اَنت، چریشی ءَ چہ دوئیں گاڑی سرجمی ءَ مانداشتگ-

ھمے وڑ کیچ ءِ ھند تمپ ءَ بلوچ سرمچاراں پاکستانی پوج ءِ چوکی ءِ سر ءَ اُرش کتگ۔

ھالانی رد ءَ سرمچاراں مرچی بیگاہ ءَ تمپ ءِ میتگ ملانٹ ءَ چوکی ءِ سر ءَ گوں مزنیں سلاھاں اُرش کتگ۔

اُرش ءِ آسر ءَ پوج ءِ جانی تاوان ءِ ھال اِنت۔

تنی وھدے دوئیں وئیلانی زمہ واری ھچ گل ءَ نہ زرتگ اَنت-