بلوچستان ءِ جتاجتائیں دمگاں پاکستانی پوج ءُ بند ساچی شرکت ءِ سر ءَ اُرش

بلوچستان ءِ جتاجتائیں دمگاں پاکستانی پوج ءُ بند ساچی شرکت ءِ سر ءَ سلاہ بنداں اُرش کتگ-

گیشیں ھالانی رِد ءَ تمپ ءِ دمگ گومازی ءِ ھند ماروار ءَ پاکستانی پوج ءِ پیادگ کارندھانی سر ءَ سلاہ بنداں اُرش کتگ-

اُرش ءِ آسر ءَ جانی تاوان ءِ ھال اِنت وھدے کہ اُرش ءَ بیران بیتگیں کارندھانی لاشانی برگ ءِ ھاتر ءَ پاکستانی پوج ءِ بکتر بندیں گاڑیاں ھوار دگہ گاڑی وئیلجاہ ءَ سر بیتگ اَنت وھدے بُرز ءَ ڈرون ھم بال بیتگ اَنت-

کوھی دمگاں کواڈ کاپٹر بُرز بال بیتگ اَنت-

ھمے وڑ ھاران – شال دگ سر ءَ برشونکی ءِ ھند سر ءَ ناشناسیں سلاہ بندیں مردماں دگ جوڑ کنوکیں منسوبہ ءِ سر ءَ اُرش کتگ-

اِھوالکار ءِ گوشگ اِنت کہ اُرشکاراں بند ساچی ءَ کار ءَ کارمرز بؤکیں مشینری مانداشتگ اَنت، چریشی ءِ آسر ءَ مشینری ءَ سک تاوان رس اِتگ- ھالانی رِد ءَ اُرشکار یک گلیڈر گاڑی یے ھم وتی ھمراھی ءَ برتگ گوں-

جانی ھال تنی وھدے سر نہ بیتگ اُرشانی زمہ واری انگت ھچ گل ءَ نہ زرتگ اَنت-