آپریشن مرگِ گداران: شفیق ءِ کمپان ءِ سر ءَ اُرش کنوکیں مجید بریگیڈ ءِ پنچ فدائینانی سرجمیں اھوالاں شنگ کن ایں – بی ایل اے

بلوچ لبریشن آرمی ءِ جارکش جیئند بلوچ ءَ شنگ کتگیں درشان ءَ گوشتگ ھزدار ءِ شھر ءَ ھشت جولائی ءَ ریاستی دلار ءُ راجی گدار شفیق (لغور) مینگل ءِ بنجاھی بنجل ءِ سر ءَ کنگ بوتگیں فدائین آپریشن ءِ برجاہ دارگ ءَ بلوچ لبریشن آرمی وتی فدائین یونٹ ’مجید بریگیڈ‘ ءِ پنچ دلیریں شھیدانی اھوال شنگ کتگ انت کہ آھاں آپریشن سوبمندیں رنگے ءَ سرجم کتگ۔ اے آپریشن کہ ’’آپریشن مرگ گدار‘‘ ءِ اولی بھر ءِ بندات بوتگ، نوآبادیاتی نزام ءُ آئی ءِ چیر ءَ دیمروئی کنوکیں مجرمانگ نیٹ ورکانی ھلاپ ءَ بی ایل اے ءِ گیش بوھوکیں آپریشنل ءُ انٹیلی جنس تاکت ءِ درشان اِنت۔ بی ایل اے ءِ نیمگ ءَ اے گپ پدر کنگ بیت کہ اے جھلانک داریں جنگ ءَ ھواریں پنچ فدائیناں دژمن ءِ انگیر پروشتگ ءُ بے تاوان ءَ چہ درکپگ ءَ سوبین بوتگ اَنت ءُ دگہ پنچ شھیداں اے جوانیں آپریشن ءِ جتا جتائیں پڑاں وتی جان ندر کتگ ءُ اے ھاسیں آپریشن سرجم کتگ۔ اے کُربانی بلوچ راجی زرمبش ءِ نزریاتی پھتوئی ءُ ھاک ءِ گوں وپا داری ءِ یک مھکمیں سبوتے کہ آیوکیں پدریچانی واستا رژن ءِ چراگ ءِ چراگے مان ایت۔

جارکش ءَ گوشتگ راجی آجوئی ءِ جنز ءِ تہ ءَ فدائیں جنگ ایوک ءَ جنگی رپکے نہ اِنت بلکیں اے زمین ءِ پھریزگ ءِ نام اِنت، راجی زانشت ءُ زوراکیں تاکتانی ھلاپ ءَ بے دروریں کردانی نام اِنت کہ مجید بریگیڈ ءِ فدائیناں جنگ گوں وتی ھوناں آپ داتگ۔ ھزدار آپریشن ءِ سوبمندی اے فدائین گلانی دراجیں لشکری ھیلکاری ءِ مھکمی انت، جتا جتائیں پڑاں چہ رس اتگیں جنگی تجربگ ءُ ‘آپریشن ھیروپ ٹو’ ءِ وڑیں مزنیں آپریشنانی تہ ءَ آھانی املی ءُ جوانیں بھر زورگ ات۔ اے شھیداں اے گپ سابت کتگ کہ مجید بریگیڈ ءِ نیٹ ورک ءَ بلوچ سرزمین ءِ گدار ءُ نوآبادیاتی تاکت ءِ نیام ءَ سیادی ءِ ٹکر ٹکر کنگ ءِ ھاترا دژمن ءِ مُھر تریں بنجلانی سر ءَ بوھگ ءِ سرجمیں زور ھست۔

جارکش ءَ گوشتگ اے آپریشن چہ شفیق لغور ءِ لوگ ءِ درائیں سیکورٹی پھریزی ءَ سرگوز کنگ ءَ بندات بوتگ کہ اے کار مجید بریگیڈ ءِ کردکاریں فدائی بیبرگ پنام ءِ پھلہ اسامہ ءَ کتگ۔ بیست ءُ دو سالی ئیں فدائی بیبرگ چہ مستونگ ءِ دمگ تندیلان ءِ جھمنند انت ءُ آئی ءِ سیادی گوں بلوچ راج ءِ بنگلزئی ٹک ءَ بوتگ کہ آ 2025 ءَ سرجم ءَ بی ایل اے ءُ مجید بریگیڈ ءَ ھوار بوتگ۔ ھما وھد ءَ شال ءِ زراعت ءِ کارگس ءَ ھستیں فرنٹیئر کور ءِ بنجاھی بنجل ءِ سر ءَ اُرش ءِ تہ ءَ یک مزنیں کردے پیلو کتگ۔ ھزدار آپریشن ءِ وھد ءَ آئی ءَ تراکناکیں شورواں گوں باریں گاڑی یے ءِ کمانڈ زرتگ ءُ ھژاری ءَ شفیق لغور ءِ کمپاؤنڈ ءِ بنجاھی دروازگ ءَ ٹکر جتگ ، ایشی ءِ آسر ءَ درائیں پھریزی ءُ پوسٹ سیکنڈانی تہ ءَ ھاکاں ھوار بوتگ ءُ دژمن ءِ سلاہ بندیں گارڈز ءِ مزنیں کساسے ءَ جاہ پہ جاہ ءَ مرتگ انت ءُ چریشی ءَ آیانی تَھ ءِ روگ ءِ راہ پچ بیتگ-

جارکش ءَ گوشتگ مین گیٹ ءِ سر ءَ تراک ءِ سبب ءَ پیداکیں تچ ءُ تاکاں پد دیمتر ءِ آپریشنل مول ءُ مراد کمپاؤنڈ ءِ اندری ماڑی ءِ سیکورٹی نیٹ ورک ءِ پروشگ بوتگ کہ مجید بریگیڈ ءِ دگہ ھیلکاریں فدائی ضیاء الرحمن پنام ءِ عمران ءَ گوں دلجمی ءُ بھادری ءَ سرجم کتگ۔ کھڈکوچہ ءِ 19 سالی ورنائیں فدائی ضیاء رحمان کہ چہ شاہوانی ٹک ءَ سیادی داریت، سال 2025 ءَ بی ایل اے ءُ مجید بریگیڈ ءَ ھوار بوتگ ءُ سک کمیں وھدے ءَ وتی جنگی زانشت ءِ سبب ءَ آ ھزدار ءُ کوہِ ماران ءِ وڑیں ترندیں میداناں ھم پیش پیش بیتگ۔ ‘آپریشن ھیروپ ٹو’ ءِ وھد ءَ شال ھزارگنجی ءِ پِڑا دژمن ءِ ھلاپ ءَ ھم درستاں دیم بیتگ۔ ھزدار ءِ اے جنگ ءَ بیبرگ ءِ فدائی اُرش ءَ چہ پد آئی ءَ دلیری ءَ دژمن ءِ تیرگواری دیمپانی کنان ءَ کمپاؤنڈ ءِ اندری ماڑی ءَ سر بیتگ ءُ وتی بدن ءَ بندوکیں شورواں تراک کتگ کہ ایشی ءِ آسر ءَ اندری سیکورٹی لائن سرجم ءَ تباہ بوتگ ءُ دژمن ءَ را اندری ءِ کمانڈ ءُ کنٹرول سسٹم لنگڑ بیتگ چریشی ءَ آئی ءَ پشکپتگیں فدائیناں اندری راہ ءَ سنگر گرگ ءِ موہ داتگ-

جارکش ءَ گوشتگ ایندگہ جند ندریاں کمپان ءِ تہ ءَ پترتگ ءُ وتی سنگر گپتگ انت ۔ کہ اود ءَ جندندری محمد رمضان پنام ء شعبان ءَ مزنیں گیٹ ءُ کش ءُ گوری پوزیشن گپتگ ءُ دیم ءَ بیتگ ءُ گوں دژمن ءَ دیم پہ دیم بوتگ ۔ 25 سالی جند ندر محمد رمضان زھری ءِ ھند یکبوزی ءِ نندوک بوتگ ءُ آ چاکر خان ءِ زھگ ءُ زھری ٹک ءَ سیادی بیتگ ۔ آئی ءَ سال 2020 ءَ بی ایل اے ءَ بھر زرتگ ءُ بازیں جھدے ءَ پد 2025 ءَ مجید برگیڈ ءِ بھر بوتگ ۔ آئی ءَ بولان ، ہربوئی ، ناگاہو ، زہری ءُ ھزدار ءَ گوریلہ جنگ ءِ بھر بوتگ وھدیکہ آپریشن ھیروپ 2 ءِ میان ءَ شال ریڈ زون ءَ بوتگیں اُرش ءَ آئی ءَ وتی کرد پیلو کتگ۔ ھزدار آپریشن ءِ میان ءَ آئی ءَ کمپان ءِ مزنیں گیٹ ءَ دژمن ءِ داشتگیں کشندی ٹولی ءُ وردی والا کارمندانی گوم ءَ دیم پہ دیمی جنگ کتگ ءُ دژمن ءَ بازیں تاوان ءِ داتگ ءُ نمیران بوتگ ۔

جارکش ءَ گوشتگ کہ دژمن ءِ اے گڑھ ءِ تہ ءَ داں آکری ءَ جنگ داروک ءُ شفیق لگور کمپان ءَ پترگ چاریں نیمگاں کلئیر کنگ مجید بریگیڈ ءِ دو جند ندری جند ندر شاہزیب بلوچ پنام ء سگار ءُ شازین بلوچ پنام ء چیدگ ءَ پیلو کتگ ۔ منگچر ءِ جھمنند ءُ خلیل احمد ءِ زھگ نچاری ٹک ءَ سیادی داروکیں جند ندر شاہزیب بلوچ ءَ دسمبر 2024 ءَ اربن گوریلہ گل ءَ وتی سپر بندات کتگ ، کہ پد ءَ رند ءَ مارچ 2025 ءَ کوہ ءَ اتکگ جون 2025 ءَ مجید بریگیڈ ءِ بھر بوتگ ۔ آ ناگاہو ءُ شور ءِ کوھاں وتی کرد ءَ پیلو کنگ بوتگ ءُ آپریشن ھیروپ 2 ءِ وھد ءَ ماں نوشکی ءَ بنجاھی بنجل ءِ سر ءَ بوتگیں اُرش ءَ نمیرانیں کامریڈ سمیر ءِ کمانی ءَ دژمن ءَ گوں جنگ داتگ ۔ آئی ءِ ھمراہ زھری دمگ نورگامہ ءَ سیادی داروکیں بشیر زھری ءِ زھگ جند ندر شازین بلوچ پنام ء چیدگ بوتگ کہ آئی ءَ سال 2025 ءَ بی ایل اے ءُ مجید برگیڈ ءَ بھر زرتگ ءُ ھمے سال ءَ ناگاہو ءُ شور ءَ گوریلہ جنگ ءِ بھر بوتگ وھدیکہ آپریشن ھیروپ 2 ءِ میان ءَ نوشکی اُرش ءَ دیم سپ ءِ سرمچاراں گوں گون بوتگ ۔

جارکش ءَ گوشتگ ھزدار آپریشن ءِ گڈی ءُ پیسلھی ساھت ءَ جند ندر شاھزیب بلوچ ءُ جند ندر شازین بلوچ ءَ دژمن ءِ انگیر ءُ مزنیں سلاھانی دیم ءَ در اتکگ ءُ شفیق لگور ءِ لوگ ءِ تہ ءَ روگ ءَ سوبمند بوتگ انت ۔ ھردو جند ندریاں راجی دلار ءِ گس ءِ تہ ءَ پترتگ وتی کنٹرول کتگ ءُ اود ءَ چار ادار ءَ تاں گوں سلاہ بندیں کارمنداں دیم پہ دیمی جنگ داتگ کہ چریشی ءَ شفیق لگور ءَ وتی ھمراہ پہ مرگ ءَ یل داتگ ءُ تچگ ءُ روگ ءَ لاچار بوتگ ۔ وھدیکہ چار ادار ءَ پد ھردوکانی گولہ ءُ تیر ھلاس بوگی بوتگ انت گڑا آیاں دژمن دست ءَ دزگیری یا تیر ورگ مرگ ءَ گڈی تیر ءِ پلسپہ ءِ سر ءَ گڈی تیر وت ءَ جتگ ءُ نمیران بوتگ انت ۔

جارکش ءَ گڈسر ءَ وتی درشان ءِ تہ ءَ گوشتگ کہ بلوچ لبریشن آرمی اے پنچیں جند ندریانی آشوبی ازم ، گلی رھبند ءُ دیمھونی ءَ گرانبھائیں گالاں گوں دروت ندر کنت ۔ اے دلیریں جند ندریاں وتی بودشت ءُ پاکیں ھوناں ریچگ ءَ اے پدر کتگ کہ بلوچ ھاک ءِ پھریزگ ، راج ءِ رکینگ ءِ جنگ ءُ سرڈگار ءِ دلارانی ابرتی نشانگ کنگ ءَ مجید بریگیڈ ءِ ھر یک جند ندری ئے تہ ءَ ھمت ءُ توکل ھست ۔ اے نمیرانیں سرانی رتکگیں ھون ءِ ترمپ ترمپ ءِ بلوچ راجی آجوئی زرمبشت ءِ لیکھی سپر ءَ چد ءُ گیش مھکم تر کنت ءُ تاں ھما وھد ءَ سرڈگار ءِ سر ءَ زورگر ءُ دالارانی آکری نشان گار نہ بیت ۔ بی ایل اے ءِ اے وار ھمے درچ ءُ تیزی ءِ گوم ءَ برجاہ مان ایت ۔ نمیران بوتگیں سرانی اے ھون مئے آجوئی ءِ زامن ءُ دلارانی ھلاس کنگ ءِ پیشگامی انت ۔