مستونگ : پوج ءِ پوسٹانی سر ءَ سامان سر کنگ ءِ جُھد کتگ، دمگ ءَ میڑ

بلوچستان ءِ دمگ مستونگ ءَ پاکستانی پوج ءُ سلاہ بندیں مردمانی میان ءَ میڑ برجاہ-

مستونگ ءِ دمگ دشت، کرّی ڈور ءِ ھند سر ءَ پاکستانی پوج ءُ سلاہ بندیں مردمانی میان ءَ میڑ بندات بیتگ وھدے پوج ءِ مزنیں کچے ءَ پیشگامی ءِ جُھد کتگ-

اِھوالکار ءِ رِد ءَ پوج ءِ نیمگ ءَ چہ وتی پوسٹاں تاں راشن ءُ دگہ سامان سر کنگ ءِ جُھد کنگ ءَ بیتگ بلے سلاہ بندانی اُرشانی سوب ءَ آیاں اڑ ءُ جنجال ءِ دیمپانی اِنت-

دو روچ ساری ھم اے دمگ ءَ پوج ءَ سلاہ بندیں اُرشاں پد پُشتکنزی بیتگ وھدے کہ پوج پوسٹانی سر ءَ آ راشن ءُ دگہ سامان سر کنگ ءَ بے سوب بیتگ-

اے میڑاں پوج ءَ جانی تاوان دیمپانی کنگ کپتگ اُرش ءِ زمہ واری انگت ھچ گل ءَ نہ زرتگ-