فیفا ورلڈ کپ 2026 ءِ راؤنڈ آف 32 گوازیاں مراکش ءُ پیراگوئے ءَ جوانی ءَ گوازی کنان ءَ وت ءَ پری کوارٹر فائنل ءَ سرکتگ ۔
مراکش ءُ نیدرلینڈ ءِ میان ءَ بوتگیں گوازی ءَ مراکش ءَ پنالٹی شوٹ ءَ نیدرلینڈ پروش داتگ ۔ ھردو ٹیماں جوانی ءَ گوازی کنان ءَ داں گوازی ءِ گڈسر ءَ ھردو ٹیم 1-1 گولے ءَ دیمیگ بوتگ کہ پدا پنالٹی شوٹ مراکش ءَ باج برتگ ۔
مروچی بوسٹن گوازی پٹ ءَ بوتگیں دومی گوازی پیراگوئے ءُ جرمنی ءِ میان ءَ بوتگ کہ پیراگوئے ءَ جرمنی چہ ایونٹ ءَ درکتگ وت راؤنڈ آف16 ءَ سربوگ ءَ سوبمند بوتگ ۔
گوازی ءِ اولی ھاپ ءَ جرمنی ءَ جوانیں گوازی پیش داشت بلے پدا گوازی ءِ 42 منٹ ءَ جولیو ءَ پیراگوئے نیمگ ءَ اولی گول داتگ ءُ وت ءَ یک گولے ءَ سر کتگ ۔
دومی ھاپ ءِ بندات ءَ جرمنی ءَ پیراگوئے دیم جوانی ءَ داشتگ ءُ 54 منٹ ءَ جرمنی ءِ نیمگ ءَ ہیورٹز ءَ یک گولے داتگ ءُ دانکہ گوازی گڈسر ءَ ھر دو ٹیم یک یک گولے ءَ دیمیگ بوتگ انت ۔ بلے پلانٹی شوٹ ءَ پیراگوئے ءَ باج برتگ ءُ وت ءَ پری کوارٹر پائینل ءَ سرکتگ ۔