بلوچ راھشون ماہ رنگ بلوچ ءُ سے ھمراہ اُمر بندیگ سزا

بلوچستان ءِ انسداد ناشرکاری آمیدگس بلوچ یکجھتی کمیٹی (بی وائی سی) راھشون ڈاکٹر ماہ رنگ بلوچ ءَ ھوار چار مردم ایف سی کارندہ کوش ءِ ایف آئی آر اُمر بندیگ ء سزا دیگ بیتگ اَنت-

آمیدگس پیسلہ ءِ رِد ءَ اے ایف آئی آر گوادر ءَ برجاہ بیتگیں “راجی مچی” ءِ میان ءَ بیتگیں یک وئیلے ءَ ھمگرنچ بیتگ کہ اود ءَ فرنٹیئر کور(ایف سی) ءِ کارندہ شبیر بلوچ بیران بیتگ-

آئی ءِ گوشگ بیتگ کہ کارندہ مُچی ءِ میان ءَ مردمانی نیمگ ءَ چہ گمانی سنگانی نشانگ بیتگ، چریشی ءِ آسر ءَ آ بیران بیتگ-

آمیدگس ءَ ڈاکٹر ماہ رنگ بلوچ ءَ اَبید بلوچ اسٹوڈنٹس آرگنائزیشن (بی ایس او) ءِ چیئرمین بالاچ قادر، بُنجاھی راھشون ابوبکر کلانچی ءُ بی وائی سی ءِ راھشون صبغت اللہ شاہ جی ھم اُمر نندیگ ءِ سزا دیگ بیتگ-

آمیدگس ء کاگدانی رِد ءَ ایف آئی آر گوشدارگ سیکیورٹی ءِ سوب ءَ شال ءِ بندیگجاہ ءِ تہ ءَ برجاہ ھاسیں آمیدگس ءَ کتگ-

اے ایف آئی آر گوادر ءَ برجم راجی مچی ءَ پد کنگ بیتگ، اشی ءِ تہ ءَ ایف سی کارندہ شبیر بلوچ ءِ کوش بنیاد جوڑ کتگ میاربارانی ھلاپ ءَ کانودی کاروائی بندات کتگ-

آمیدگس ءِ پیسلہ ءَ پد تاں انو پھازی وکیل یا بلوچ یکجھتی کمیٹی نیمگ ءَ ردامل دیم ءَ نیتکگ بلے بی وائی سی راھشون ءِ فیس لیس ٹرائلز ءُ آمیدگیس کاروائی ءِ سر ءَ دلپدردی درشان اِتگ-