فیفا ورلڈ کپ 2026 ءِ گوازی برجاہ ، اسپین ءَ سعودی عرب ءِ دیم ءَ چار گول ءَ گوازی کٹ اتگ ۔ مروچی بوتگیں گوازی ءَ بیلجئم ءُ ایران زیرو سرا ءَ مکابلہ ، کیپ ورڈی ءُ یوراگوئے دو دو گول ءَ مکابلہ ، مسر ءَ نیوزلینڈ ءِ دیم ءَ سے پہ یک گولے ءَ گوزی کٹ اتگ انت ۔
فیفا ورلڈ کپ ءِ جی گروپ ءِ گوازیانی تہ ءَ مسر ءَ نیوز لینڈ سے پہ یک گولے ءَ پروش داتگ ءُ گروپ ءِ تہ ءَ اولی نمبر ءَ اتکگ ۔
گوازی ءِبندات ءَ نیوز لینڈ ءَ جوانی ءَ گوازی کنان ءَ پانزدھمی منٹ ءَ یک گولے داتگ بلے دومی آپ ءَ مسر ءِ لیبیاں 58 منٹ ءَ زیکو ءَ گول ءِ داتگ ءُ مکابلہ ءَ بوتگ انت ۔ پدا 67 منٹ ءَ سلاھءَ مسر ءِ نیمگ ءِ دگہ یک گولے داتگ ءُ گوازی ءِ گڈسر ءَ ٹریز ءَ سیمی گول داتگ ءُ گوازی کٹ اتگ ۔
اے سوبمندی ءَ پد مسر ءَ چار پونٹ گپتگ ءُ جی گروپ ءِ تہ ءَ اولی نمبر ءَ اتکگ.
گوستگیں روچ ءَ گروپ ایچ ءِ گوازی ءَ اسپین ءُ سعودی دیم پہ دیم بوتگ انت کہ اسپین ءَ سعودی عرب ءِ دیم ءَ چار گول داتگ ءُ گوازی کٹ اتگ ۔
ایران ءُ بیلجئیم میان ءَ بوتگیں گوازی ءَ ھردو ٹیم بید گول کنگ ءَ مکابلہ بوتگ انت ۔
مروچی بوتگیں گروپ جی ءِ سیمی گوازی کیپ ورڈی ءُ یوراگوے میان ءَ بوتگ کہ ھردو ٹیماں دو دو گول اسکور کتگ ءُ دو دو گول ءَ مکابلہ بوتگ انت ۔ کیپ ورڈیءِ لیبیاں یوراگوئے دیم جوانی ءَ داشتگ ءُ جوانیں لیب پیش داشتگ ءُ کیمتی یک پونٹ ءِ وتی نام ءَ کتگ ۔