سوراب ءَ شال -کراچی بُنجاھی شھدگ سر ءَ مل مدرسہ ءِ نزیک ءَ مروچی ناشناسیں سلاہ بندیں مردماں دگ بند کتگ ناکہ بندی کتگ ءُ گاڑیانی پٹ ءُ پول بندات کتگ-
اِھوالکار ءِ رِد ءَ سلاہ بندیں مردماں شھدگ سر ءَ جتاجتائیں ھندانی سر ءَ ناکہ بندی کنان ءَ رؤکیں گاڑی پٹ ءُ پول کتگ اَنت-
دومی نیمگ ءَ گوستگیں شپ ءَ یک جتائیں ھالے ھم دیم ءَ اتکگ- اِھوالکار ءِ رِد ءَ سوراب شھر ءَ سلاہ بندانی نیمگ ءَ چہ پولیس تھانہ ءِ سر ءَ اُرش کتگ، چریشی ءِ آسر ءَ تھانہ دستیگ کتگ، سرکاری سلاہ ءُ گاڑیانی دستیگ کنگ ءِ ٹاہ دیگ ءَ اِنت-
اِھوالکار ءِ رِد ءَ کمک ءَ واستا آؤکیں پاکستانی پوج ءِ گاڑی سنگر گپتگ ءُ نشانگ کتگ، وھدے کہ یک بکتر بند گاڑی یے تاوان داتگ-
بنداتی ھالانی رِد ءَ اے وئیل ءَ ھچ وڑیں جانی تاوان ءِ ھال نیست، بلے ماڑیاں تاوان رس اِتگ-
دمگی مردمانی رِد ءَ شپ ءِ وھد ءَ اچانک ءَ تیرگواری ءُ تراکانی توار داں دیراں وھد وھد ءِ سر ءَ برجاہ بیتگ-