بلوچستان ءِ جتاجتائیں دمگاں سے مردم آوار جنگ ءُ یکے یل کنگ بوتگ-
بلوچستان ءِ دمگ پنجگور ءِ ھند چہ پروم ءَ دگہ سے مردم آوار جنگ ءُ بیگواہ کنگ بوتگ اَنت-
دمگی اِھوالکار ءِ رِد ءَ عزیز حسن ،صدیق ء جان محمد ءُ لطیف ء حاجی سلیم مروچی سھب ءَ آیانی لوگاں چہ پاکستانی پوج ءَ آوار جتگ اَنت، چریشی ءَ پد اے درگت ءَ ھچ وڑیں ھال دیم ءَ نیتکگ-
اے سئیں پروم ءِ دمگ لیگورک ءِ جھمنند آ مروچی لوگ ءَ چہ آوار جتگ-
ھمے وڑ پانزدہ جون 2026 ءَ پنجگور ءِ دمگ پروم ءِ ھند چہ کھدہ حکیم بازار ءَ سعداللہ ء غلام جان ءُ زیاب ء کھدا کریم جان ھما وھد ءَ آوار جتگ ءُ بیگواہ کتگ اَنت وھدے آ وتی دکان ءَ نندوک بیتگ اَنت-
چریشی ءَ پد آیانی درگت ءَ ھچ وڑیں ھال نیست-
دومی نیمگ ءَ 23 اکتوبر 2025 ءَ چہ مند ءَ آوار جنگ بیتگیں سئیں ورنا فھد ء عثمان، ھاروان ء محمد جان ءُ حمود جان 17 جون 2026 ءَ یل کنگ بیتگ ءُ وتی لوگاں سر بیتگ اَنت-
زانگ بہ بیت اے سئیں ورنایانی زورانسری آوار جنی ءِ ھلاپ ءَ آیانی کھول ءَ شش روچ ءَ داں نندانک داتگ اَت ءُ پد ءَ گوں دمگی انتزامیہ گپ ءُ دیوان ءِ سوبمندی ءَ پد کھول نندانک ھلاس کتگ اَت-
بلے آ دراجیں مدتے ءَ بیگواھی ءَ پد آ نی یل کنگ بوتگ اَنت-