بلوچ لبریشن آرمی ءِ جارکش جیئند بلوچ ءَ یک جون ءَ بگر داں دہ جون ءَ جتا جتائیں دمگاں 15 کاروائی کتگ انت کہ ایشی ءِ تہ ءَ زورگیریں پاکستانی لشکر ءِ سر ءَ تچک ءَ تچک سلاہ بندیں اُرش ھم ھوار اَنت ایشی ءِ تہ ءَ آئی ای ڈی ءِ اُرش ھم ھوار اَنت۔ سرمچاراں سئے پولیس اسٹیشن ءُ چیک پوسٹ دستیگ کتگ اَنت ءُ جنگ ءُ چوپاں زورگیریں لشکر ءِ گاڑی ءُ سلاہ دستیگ کتگ اَنت۔ اے اُرشانی تہ ءَ 26 زورگیریں لشکر ءِ کارندہ کشتگ انت ءُ بازینے ٹپیگ کتگ اَنت۔
یک جون: مستونگ کردگاپ ءَ سرمچاراں زورگیریں لشکر ءِ پوسٹ گوں مارٹر گولہ باری ءَ نشانگ جوڑ کتگ ءُ ایشی ءِ آسر ءَ زورگیریں لشکر ءِ سئے کارندہ مرتگ ءُ چار دگہ ٹپیگ بوتگ اَنت۔ ھمے روچ ءَ کردگاپ ءَ گوں زورگیریں لشکر ءَ جنگ ءُ چوپانی تہ ءَ سئے بی ایل اے سنگت مقبول ، سنگت صلاح الدین ءُ سنگت وحید شھید بیتگ اَنت۔
سَے جون: نوشکی احمد وال پھاٹک ءِ جاہ ءَ زورگیریں لشکر ءِ کاروان ءِ سر بستگ ءُ اُرش کتگ کہ ایشی ءِ تہ ءَ کم چہ کم دو دژمن ءِ کارندہ مرتگ ءُ بازینے ٹپیگ بوتگ اَنت۔ ھمے روچ ءَ قلات ءِ دمگ منگچر ءَ آئی ای ڈی ءِ اُرش ءَ زورگیر لشکر ءِ بمب ڈسپوزل اسکواڈ ءِ یک کارندھے مرتگ ءُ دو ٹپیگ بوتگ اَنت۔
زورگیریں پاکستانی لشکر ءَ پنجگور چیدگی ءِ دمگ ءَ دیم ءَ روگ ءِ کوشست کتگ کہ اود ءَ دراجیں جنگ ءُ چوپے بندات بوتگ۔ زورگریں زورگیریں لشکر ءِ بازیں کارندہ مرتگ ءُ ٹپیگ بوتگ اَنت ءُ سرمچاراں گوں مزنیں سلاھاں یک ھیلی کاپٹرے نشانگ تاوان داتگ۔ اے جنگ ءُ چوپاں بی ایل اے ءِ سَے سرمچار سنگت تلار، سنگت بابر ءُ سنگت خلیل شھید بوتگ انت۔
زامران وکائی کرپاسی ءِ جاہ ءَ ریموٹ کنٹرول آئی ای ڈی ءِ اُرش ءَ زورگیریں لشکر ءِ گاڑی تباہ بوتگ کہ ایشی ءِ آسر ءَ زورگیریں لشکر ءِ سئے کارندہ مرتگ ءُ بازینے مردم ٹپیگ بوتگ اَنت۔ ھمے روچ ءَ سرمچاراں تگران کلگ ءَ زورگیریں لشکر ءِ پیادگیں لشکر آئی ای ڈی ءِ اُرش ءَ نشانگ جوڑ کتگ کہ ایشی ءِ تہ ءَ یک افسرے جاہ ءَ بیران بوتگ۔
شش جون: قلات، اسکلکو ءَ سرمچاراں زورگیریں لشکر ءِ سر ءَ اُرش ءِ تہ ءَ نشانگ جوڑ کتگ کہ آ دمگ ءَ زورانسری ءِ مول ءُ مراد ءَ پیادگ ءَ دیم ءَ روگ ءَ بیتگ۔ اے اُرش ءَ سئے کارندہ جاہ پہ جاہ ءَ مرتگ اَنت ءُ دگہ کارندہ وتی جان ءِ رکّینگ ءِ ھاتر ءَ تکگ اَنت۔ پد ءَ زورگیریں لشکر ءَ بکتر بندیں گاڑیانی تہ ءَ دمگ ءَ دیم ءَ روگ ءِ جھد کتگ کہ سرمچاراں پد ءَ چہ دگہ نیمگے ءَ اُرش کت کہ ایشی ءِ آسر ءَ زورگیریں لشکر ءِ دگہ چار کارندہ مرتگ اَنت ءُ بازینے ٹپی بوت اَنت ءُ سرمچاراں یک بکتربندیں گاڑی یے ءُ پوجی ساز ءُ سامانی دستیگ کنگ ءَ سوبمند بوتگ انت. پروش وارتگیں لشکر ءَ چہ گن شپ ءِ بالی گراباں شھری آبادی ءِ سر ءَ گولہ باری ءُ تیرگواری کتگ ۔ اے جنگ ءَ بی ایل اے سرمچار سنگت کاکا زھیر شھید بوتگ۔
ھمے روچ ءَ زمران ءِ دمگ جابشان ءَ سرمچاراں آئی ای ڈی ءِ اُرش ءَ زورگیریں لشکر ءِ پیادگیں کارندہ نشانگ جوڑ کتگ اَنت کہ ایشی ءِ تہ ءَ یک کارندھے جاہ پہ جاہ ءَ مرتگ ءُ دومی ٹپیگ بوتگ انت۔
دیمترا ھزدار ءِ ھند زھری ، بلبل ءِ دمگ ءَ ھما وھد ءَ زورگیریں لشکر اُرشانی تہ ءَ نشانگ جوڑ کنگ بوتگ کہ دژمن ءِ لشکر ءَ ٹینک، بکتربندین گاڑی ءُ دگہ گاڑیانی تہ ءَ دمگ ءَ دیم ءَ روگ ءِ جھد کتگ۔ دہ کلاک ءَ برجاہ بوتگیں اے درگت ءَ قبضہ گیریں لشکر ءِ چار ءَ چہ گیش کارندہ مرتگ ءُ بازینے ٹپی بوتگ اَنت ءُ یک بکتربندیں گاڑی یے ءَ را سک باز تاوان رس اتگ۔
تربت کلاتک ءَ بلوچ لبریشن آرمی ءِ سرمچاراں زورگیریں پاکستانی لشکر ءِ ملٹری انٹیلی جنس ( ایم آئی) ءِ لیفٹیننٹ کرنل (ریٹائرڈ) ارسلان حلیم گوں دگہ سئے کارندھانی ھواری ءَ ھما وھد ءَ نشانگ کتگ آ ناسر آباد ءَ زورگیریں لشکر ءِ چہ بنجل ءَ سَے گاڑیانی ھواری ءَ در اتکگ۔ کشتگیں ایم آئی افسر ءَ وتی دروشم مٹ کتگ ‘ڈیتھ اسکواڈ’ ءِ سیکورٹی ءِ چیر دستی ءَ چہ وتی دروشم ءَ دیم ءَ روگ ءَ بیتگ کہ بی ایل اے ءِ انٹیلی جنس ءِ نیمگ ءَ چہ نزیکی ءَ نگاہ ایر کتگ انت- سرمچاراں زراب ءِ مھکم ءُ رازداریں ھالانی سر ءَ کار کنان ءَ گْوشگ بیتگیں گاڑی ءِ کارندہ ھما جاہ ءَ کُشتگ اَنت ءُ آھاں رکگ ءِ موہ نہ داتگ۔
ھپت جون: سرمچاراں گورکوپ، کلگ، کیچ ءِ دمگ ءَ سلاہ بندیں اُرش ءَ زورگیریں لشکر ءِ پیادگیں سپاھیگاں تاوان داتگ انت۔
ھشت جون: سرمچاراں نوشکی احمد وال ءَ پھاٹک ءَ سلاہ بندیں اُرش ءَ زورگیریں لشکر ءِ کارندہ ءِ بسانی کاروان ءَ نشانگ جوڑ کتگ۔ یک بسے اُرش ءِ زد ءَ اتکگ ءُ بازیں کارندہ مرتگ ءُ ٹپیگ بوتگ اَنت۔
نُھ جون: تربت شھر ءَ بلوچ لبریشن آرمی ءِ اسپیشل ٹیکٹیکل آپریشن اسکواڈ ءِ سرمچاراں زورگیریں لشکر ءِ پوسٹ ءِ دروازگ ءَ ھما وھد ءَ یک لِچوکیں بمبے ایر کتگ ءُ ھما وھد ءَ تباہ کےگ کہ چار کارندہ پوسٹ ءَ جاڑیگ بوتگ انت اَنت۔
جارکش ءَ گوشتگ دکی، نرہن پولیس اسٹیشن ءِ سر ءَ بی ایل اے سرمچاراں مھکمیں اُرشے ءِ نشانگ جوڑ کنگ ءَ پد کنٹرول کتگ۔ ھمے وھد ءَ یک کارندھے ءَ پوزیشن زرت ءُ سرمچارانی سر ءَ اُرش کُتگ کہ آ سرمچاراں جوابی اُرش ءَ کُشتگ ۔ پولیس اسٹیشن ءِ سرجمیں کنٹرول ءَ پد سرمچاراں اود ءَ ھستیں سلاہ ءُ دگہ جنگی سامان دستیگ کتگ انت ءُ پولیس ءِ کارندہ یل کنگ بوتگ اَنت۔
دَہ جون: بی ایل اے سرمچاراں پشین ءِ دمگ دینار ءَ سلطان پولیس اسٹیشن ءُ قلعہ عبداللہ ءِ دمگ دولنگی ءَ گلستان ءَ گیلو پولیس پوسٹ دستیگ کتگ ءُ اود ءَ ھستیں کارندہ دزگیر کتگ انت ءُ پانزدہ جتا جتائیں سلاہ ءُ دگہ گاڑی ھواریں پوجی سامان وتی دستیگ کتگ انت۔ سرمچاراں پولیس اسٹیشن مانداشتتءُ آئی ءِ مزنیں بھرے بلڈوزر کتگ وھدے کہ پوسٹ تراکناکیں شورواں گوں تباہ کتگ۔
سرجمی ءَ جون ءِ اولی دہائی ءَ کنگ بوتگیں اے ھمگرنچ ءُ بِرستگیں اُرشاں بی ایل اے ءِ گیش بوھوکیں آپریشنل رسوکی ، انٹیلی جنس ونگ ’زراب‘ ءِ گچینی کار ءُ زمینی کنٹرول ءِ جوڑ کنگ ءِ واک ءِ گچینی پدراھی یے ۔ اے اُرشانی وھد ءَ زورگیریں لشکر ءَ مزنیں جانی ءُ مالی تاوان، مزنیں فوجی کارندھانی کُشگ ءُ سرکاری جاھانی سر ءَ کنٹرول ءِ سبب ءَ اے گپ پدّر اِنت کہ بلوچ جنگولیں لشکر نوں اے جاور ءَ اِنت کہ آ دژمن ءِ فوجی زور ءَ بہ بند اِیت ءُ آئی ءِ سر ءَ وتی اسٹریٹجک برتری ءَ راست بہ کنت۔ بی ایل اے بلوچ راج ءِ پھریزگ ءِ راہ ءَ وتی ابدی کربانیانی ھاتر ءَ اے درستیں دلیریں سرمچارانی شوکیں گالاں داد دنت ءُ وتی رھبند ءِ پد ءَ پدر کن انت کہ دژمن ءِ فوجی، انٹیلی جنس ءُ زرکاری ءِ سر ءَ اے وڑیں آپریشنل اُرش گوں سرجمی ءَ ترندی ءَ برجاہ بنت داں کہ درملکی دپاروارانی سر ءَ سرجمیں زُور ءُ ترندی برجاہ بیت انت۔