بلوچستان ءِ دمگ آواران جھاؤ ءَ پاکستانی پوج ءَ یک مردمے آوار جتگ ءُ گون وت برتگ-
گیشین ھالانی رد ءَ جھاؤ لنجار ءِ جھمنندیں صابر حسین ء غلام حسین 9 جون 2026 ءَ پاکستانی پوج ءَ چہ واجہ باگ بازار ءَ لوٹائینتگ ءُ بنجل ءَ برتگ کہ پد ءَ واتر یل نہ داتگ-
آئی ءِ کھول ءَ گوں ٹی بی پی ءَ گوشتگ 9 جون 2026 ءَ پاکستانی پوج ءَ صابر وتی بنجل ءَ لوٹائینتگ ءُ برتگ پد ءَ دوبر آئی ءِ ھچ ھال نیست انت-
کھول ءَ گوشتگ صابر سال دوھزار ءُ پانزدہ ءَ دمگ ءِ جاورانی ناگیگی ءَ لڈ ءُ بارے کتگ ءُ دیم پہ کیچ ءَ شتگ بیتگ ءُ اود ءَ آ پوریاگری ءَ بیتگ-
کھول ءَ گوشتگ صابر ءِ سر ءَ ناشناسیں نمبراں کال اتکگ ءُ آ بیھار دیگ بیتگ ءُ آ ھمے زوتاں بیلہ اتکگ ءُ واتر جھاؤ ءِ روگ ءِ وھد ءَ آ پوج ءَ دزگیر کتگ ءُ برتگ-