پنجگور : ناشناسیں سلاہ بندیں مردماں گاڑی ءِ سر ءَ تیرگواری کتگ، سرکاری پلامرزی ٹولی ءِ باسکے بیران، دو ٹپی

پنجگور ءِ دمگ سوردو ءَ ناشناسیں سلاہ بندیں مردماں یک گاڑی یے نشانگ کنان ءَ تیرگواری کتگ، چریشی ءِ آسر ءَ یک مردمے بیران وھدے کہ دو مردم سک ٹپی بیتگ اَنت-

پولیس اِھوالکار ءِ رِد ءَ تیرگواری ءِ آسر ءَ حاتم نامیں مردمے بیران بیتگ، وھدے کہ حلیم ءُ میروز سک ٹپی بیتگ اَنت-

ٹپی زوت نزیکیں نادُراھجاہ ءَ برتگ اَنت اود ءَ آیانی الاج کنگ بیگ ءَ اِنت-

چمّگدانی رِد ءَ اُرشکار موٹر سائیکلوں سوار بیتگ اَنت ءُ کاروائی ءَ پد جاہ پہ جاھی تتکگ اَنت-

دمگی اِھوالکار ءِ رِد ءَ تیرگواری ءَ چہ بیران بیتگیں حاتم ءُ ٹپی بیتگیں حلیم ءُ میروز گمانی یک دمگی ڈیتھ اسکواڈ ءَ چہ ھمگرنچ اَنت-

وئیل ءِ زمہ واری انگت ھچ گل ءَ نہ زرتگ-