مستونگ : پاکستانی تیرگواریں ھیلی کاپٹراں آبادی سر ءَ شیلنگ کتگ، پوج ءِ سر ءَ سلاہ بندانی اُرش

بلوچستان ءِ دمگ مستونگ ءَ پاکستانی پوج ءِ آپریشن، آبادیانی سر ءَ شیلنگ-

گوستگیں روچ ءَ پاکستانی پوج ءَ مستونگ ءِ دمگ کردگاپ ءَ مزنیں کچے ءَ پوجی آپریشن بندات کتگ – دمگی اِھوالکار ءِ رِد ءَ آپریشن ءَ تیرگواریں ھیلی کاپٹراں آبادیانی سر ءَ شیلنگ کتگ-

دمگی مردمانی رِد ءَ پاکستانی پوج ءَ مزنیں کچے ءَ سرکاری کمپلیکس وتی دستیگ کتگ بُنجل ءَ مٹّینتگ- آپریشن ءِ سوب ءَ تنی وھدے جانی تاوان ءِ ھال سر نہ بیتگ-

گوستگیں شپ ءَ کمپلیکس سر ءَ ساڑی پوج ءَ سلاہ بندیں مردم جتاجتائیں نیمگاں چہ اُرش ءِ نشانگ کنگ بیتگ، اے میان ءَ تُرندیں تیرگواری ءُ تراکانی توار اش کنگ بیتگ-

اُرش ءِ آسر ءَ پوج ءِ کارندھاں جانی تاوان چست کنگ ءِ ھال اِنت واکدار ءَ ھچ وڑیں درشان شنگ نہ کتگ-