پاکستانی پوج ءَ بازیں مردمے آوار جتگ ءُ ناشناسیں جاھے ءَ برتگ، وھدے کہ ڈیتھ اسکواڈ ءَ یک ورنایے کشتگ-
بلوچستان ءِ دمگ کوھلو ءِ تھسیل چمالنگ ءَ ھالانی رِد ءَ پاکستانی پوج ءَ چاردہ مردم دزگیر کتگ ءُ ناشناسیں جاھے ءَ برتگ، چریشی ءَ پد سرجمیں مردم دیم ءَ آرگ نہ بیتگ اَنت-
پاکستانی پوج ءِ دست ءَ آوار جنگ ءَ پد زورانسری آوار جنی ءِ نشانگ کنگ بیتگینانی تہ ءَ احمد شاہ، نبی لال، باز محمد، صورت خان، صوبت خان، حیدر خان، جمالی، نور خان، مزار خان، فیض محمد، بازو ءُ جامیر خان ھوار اَنت-
ھمے وڑ چہ شاھرگ ءَ ھالانی رِد ءَ پاکستانی پوج ءِ پلامرزی ٹولی ڈیتھ اسکواڈ ءَ شمبے ءِ شپ ءَ لوگ ءَ پُترتگ اَنت دینو ء گل محمد جھمنند خبڑینزئی کشتگ-
ڈیتھ اسکواڈ ءِ نیمگ ءَ چہ بلوچستان ءِ شھریانی کوش ءِ وئیلاں یکشل ءَ گیش بوان اِنت، گوستگیں روچ ءَ نوشکی ریاستی پلامرزی ٹولی ڈیتھ اسکواڈ ءَ براھوئی ادیب ءُ شائر پروفیسر غمخوار خیات تیرگواری کتگ کشتگ-