بلوچستان ءِ دمگ بلنگور ءُ سنی ءَ پاکستانی پوج سلاہ بندیں اُرشانی دیمپانی کنگ کپتگ، اُرشاں پوج ءِ کارندھاں جانی تاوان چست کنگ کپتگ-
گیشیں ھالانی رِد ءَ گوستگیں شپ ءَ کیچ ءِ دمگ دشت ،بلنگور ءَ سلاہ بندیں مردماں پاکستانی پوج ءِ بُنجل ءِ بُنجاھی دروازگ ءَ ساڑی کارندہ اُرش ءِ نشانگ کتگ اَنت-
ھمے وڑ کچھی ءِ ھند سنی شھر ءَ سلاہ بندیں مردماں پاکستانی پوج ءِ بُنجاھی بُنجل ءِ سر ءَ اُرش کتگ اود ءَ بازیں تراکانی ھمراھی ءَ تُرندیں تیرگواری ءِ توار اش کنگ بیتگ-
واکدار ءَ تنی وھدے اے اُرشانی درگت ءَ ھچ وڑیں درشان شنگ نہ کتگ-