گوستگیں شپ ءَ سلاہ بندیں مردماں سوراب ءِ شھر ءَ اُرش ءَ پد تراک ءُ تیرگواریانی بیتگ انت-
بلوچستان ءِ دمگ چہ سوراب ءَ رس اتگیں ھالانی رد ءَ سلاہ بندیں مردماں پاکستانی لشکر ءِ بنجاھی بنجل ءُ ڈی سی سوراب ءِ کارگس نشانگ جوڑ کتگ انت۔
ھمے وھد ءَ شھر ءَ مزنیں کچے ءَ تیرگواری ءُ مزنیں تراک ءِ توار بوتگ ءُ تیرگواری داں گڈی ھالاں برجاہ بوتگ۔
زانگ بہ بیت کہ اے دمگ ءَ بلوچ آجوئی دوستیں سلاھ بندیں گل پرکار اَنت ءُ گوستگیں وھداں ھم پاکستانی لشکر ءِ سر ءَ اُرشانی زمہ واری بلوچ سلاہ بنداں من اتگ اَنت، البت انگت ھچ گل ءَ اے وئیل ءِ زمہ واری نہ زرتگ۔