پاکستانی لشکر ءُ سرکار ءِ کمک ءَ سلاہ بندیں گل ءَ کیچ ءِ ھند ءِ کوھاڈ ءَ دو مئی ءَ شپ ءِ ساھت دو ءَ چاکر ء داد محمد نامیں مردے ءِ لوگ ءِ سر ءَ.ارش کتگ ءُ ھمے وھد ءَ جنین ءُ زھگ ءُ لٹ ءُ کٹ کنگ بیتگ ءُ لوگ ءِ ساز ءُ سامان پرشت ءُ پروش کنگ بیتگ انت۔
دمگی مردمانی گشگ ءِ رد ءَ داد محمد کہ پیریں مردے ھم لٹ ءُ کٹ کنگ بیتگ۔
دمگی مردمانی گشگ ءِ رد ءَ داد محمد ءِ چُک چاکر پیسر ءَ کوھاڈ ءَ ڈیتھ اسکواڈ ءِ دست ءَ کُشگ بوتگ ۔
زانگ بہ بیت کہ نوں بلوچستان ءَ ”ڈیتھ اسکواڈ“ ءِ نام پدر بوتگ اے سلاہ بندیں گل کہ آ گیشتر شھری، سیاسی جھدکار، انسانی ھکانی جھدکار ءُ گھگیری جھدکاراں نشانگ جوڑ کن اَنت۔
اے گل ءِ سر ءَ کوش، آوار جنگ، لٹ شاپی، بمبتراک ءُ لس مھلوک ءِ ترس ءُ بیم ءِ وڑیں مزنیں بھتام جنگ بوگ ءَ اَنت۔