پاکستانی لشکر ءَ چہ بولان میڈیکل کالج ءَ بلوچ نودربر زورانسری ءَ بیگواہ کتگ۔
شال بولان میڈیکل کالج ءِ دیم ءَ نودربر ءُ کھول ءِ نیمگ ءَ نرسنگ ءِ نودربر خدیجہ بلوچ کہ پاکستانی لشکر ءِ دست ءَ زوراکیں بیگواہ کنگ ءِ ھلاپ ءَ مرچی ھم زھرشانی نندانک برجاہ اِنت۔
بولان میڈیکل کالج ءِ دیم ءَ نودربر آنی زھرشانی مرچی وتی 12می روچ ءَ سر بوتگ۔
خدیجہ بلوچ ءِ کھول ءِ رد ءَ پاکستانی پورسز کہ آیانی توک ءَ ایف سی ءُ سی ٹی ڈی ءَ نودربرانی دیم ءَ چہ ھاسٹل ءَ کش اتگ ءُ گوں وت برتگ ۔ گوستگیں دو ھپتگاں چہ آئی ءِ یل کنگ ءِ لوٹ ءَ کنگ ءَ انت۔
خدیجہ بلوچ ءِ زوراکیں بیگواھی ءُ دھرنا ءِ بابت ءَ بلوچ یکجھتی کمیٹی ءَ گْوشتگ ”خدیجہ بلوچ ءِ سیاد ءُ وارس بی ایم سی ءِ دیم ءَ دھرنا داتگ بلے تاں انوگ ءَ ھچ وڑیں گامگیج گندگ نہ بیتگ ءُ ریاست ءِ بے پرواھی ھما وڑ ءَ اِنت“۔
گل ءَ گیش گْوشتگ کہ ھر گوزوکیں روچ ءِ ودار گیشتر دردناک اِنت، وھدے کہ نزیکیں مردمانی جائزیں لوٹ انگت ءَ ڈالچار کنگ بوگ ءَ اَنت۔
آیاں لوٹ کرتگ کہ ریاست ءُ بلوچستان سرکار چہ بلوچ نودربراں مچانکی سزا ءِ آماچ کنگ ءَ بند بہ کنت ءُ زوت خدیجہ بلوچ ءُ ایندگہ بیگواھیں بلوچ نودربراں دیم ءَ بیار ایت ءُ آیاں یل بہ کنت۔