بلوچستان ءِ جتاجتائیں شھراں سیکورٹی ءِ جیڑھانی سبب ءَ موبائل نیٹ ورک ءِ سروسز بند کنگ بوتگ انت۔
بلوچستان ءِ مزن شھر شال ءُ ھمے رنگ ءَ نوشکی، خاران، دالبندین، مستونگ، کلات، سبی ءُ دگہ دمگاں انٹرنیٹ سروس سرجم ءَ بند کنگ بوتگ انت۔
بلوچستان ءِ تھی وزارت ءِ رد ءَ اے گامگیج سیکورٹی ءِ جیڑھانی سبب ءَ چست کنگ بوتگ ءُ دومی نیمگ ءَ انٹرنیٹ ءِ بند کنگ ءِ سر ءَ سیاسی ءُ چاگردی تک ءُ پھناتانی نیمگ ءَ سرکار ءِ ایراد گرگ بوھگ ءَ اِنت۔
زانگ بہ بیت کہ 23 مارچ ءَ بلوچستان ءَ ریل ءِ سروس ھم بند کنگ بوتگ انت ایشی ءِ تہ ءَ انٹرنیٹ سروس ھم ھوار بوتگ انت وھدیکہ وانگ ءُ زانگ ءِ ادارگانی بند کنگ ءِ موہ ھم گیش کنگ بوتگ انت ۔