کیچ ءَ بی ایل اے ءِ مجید برگیڈ ءِ اُرش ءَ 32 پاکستانی سپاھیگ بیران بوتگ اَنت – اقوام متحدہ ءِ سلامتی کونسل

اقوام متحدہ ءِ سلامتی کونسل ءَ وتی رپورٹ ءِ تہ ءَ اے ھال ءِ راستی کتگ کہ کیچ ءَ بلوچ لبریشن آرمی مجید بریگیڈ ءِ اُرش ءَ 32 پاکستانی لشکر بیران بوتگ انت۔

رپورٹ ءِ رد ءَ گوستگیں سال ءَ بی ایل اے مجید بریگیڈ ءَ کیچ ءِ دمگ دشت ءَ سی پیک ءِ راہ ءَ پاکستانی لشکر ءِ شش بس ءُ سئے فوجی گاڑیانی کاروان نشانگ جوڑ کتگ ات انت کہ اود ءَ وت کُشیں گاڑی بمب تراک ءَ پد مزنیں سلاہ بندیں مردماں دگہ بسابء تہ ءَ نشتگیں کارندہ نشانگ جوڑ کتگ ات ابت۔

زانگ بہ بیت کہ پاکستانی لشکر ءَ گْوشتگ اُرش ءَ ایوک ءَ پنچ فوجی کارندھانی بیرانی ءِ پدرائی کتگ۔

دومی نیمگ ءَ بلوچ لبریشن آرمی ءِ جارچین جیئند بلوچ ءَ وتی بیان ءَ گْوشتگ: بلوچ لبریشن آرمی ءِ زمینی ھالرسان ءُ انٹیلی جنس ونگ ”زراب“ ءِ رد ءَ اے اُرش ءَ کم چہ کم 32 پاکستانی لشکر ءِ کارندہ بیران ءُ درجناں ٹپیگ بیتگ اَنت کہ آھانی تہ ءَ بازیں افسر ھم ھوار اَنت۔

زانگ بہ بیت گوستگیں سال ءَ بلوچ لبریشن آرمی ءِ مجید بریگیڈ ءَ تربت، بولان، نوشکی ءُ کیچ ءَ چار ھترناکیں اُرش کتگ کہ چہ ایشی ءَ پاکستانی لشکر ءَ مزنیں تاوانے رس اتگ۔ اے اُرشانی تہ ءَ جعفر ایکسپریس ءِ ہائی جیکنگ ءُ ریل ءِ تہ ءَ سواریں 200 ءَ چہ گیش فوجی کارندھانی گرگ ھوار اَنت۔