بلوچستان نیشنل پارٹی ءِ سردار اختر مینگل ءَ پاکستانی کومی اسمبلی ءِ باسکے ءَ چہ دزکشی کساس ھپدہ ماہ ءَ پد منّگ بیتگ-
اِھوالکار ءِ رِد ءَ اسپیکر قومی اسمبلی سردار ایاز صادق ءِ سروکی ءَ بی این اپی اختر مینگل ءِ دزکشی منّگ بیتگ-
اِھوالکار ءَ گوشتگ کہ اسپیکر قومی اسمبلی ءَ سردار اختر مینگل ءِ دزکشی گوستگیں شپ ءَ منّگ بیتگ ءُ دزکشی ھمے تاریک ءَ منّگ بیتگ کہ ھمے تاریک ءَ آئی ءَ داتگ-
زانگ بہ بیت کہ اختر مینگل ءَ کومی اسمبلی ءِ باسکے سے ستمبر 2024 ءَ دزکشی کتگ، سردار اختر مینگل ءِ دزکشی کساس ھپدہ ماہ ءَ پد منّگ بیتگ-
سردار اختر مینگل این اے 256 ھُزدار ون ءَ چہ فروری 2024 ء باسکے کومی اسمبلی بیتگ ءُ دزکشی ءِ منّگ ءَ پد اے سیٹ ھالیگ بیتگ چریشی ءَ آؤکیں سے ماہ ءِ تہ ءَ زمنی گچینکاری بیت کنت-