آپریشن ھیروپ ءَ ھواریں دو فدائینانی اکس بی ایل اے ءَ شنگ کتگ انت

بلوچ لبریشن آرمی ءَ پسنی ءَ آپریشن ھیروپ ءَ ھواریں دو فدائینانی اکس شنگ کتگ انت –

بلوچ لبریشن آرمی ءِ آفیشل چینل ھکل ءَ فدائین شبیر بلوچ ءُ دل جان بلوچ ءِ اکس شنگ کتگ انت-

ھکل چینل ءِ رد ءَ فدائین شبیر بلوچ پنام ءِ کیّا بلوچ ء دین مھمد جھمنند ڈنڈو کلانچ ءُ پد ءَ سال دوھزار ءُ شانزدہ پسنی ءَ شتگ کہ آئی ءِ اُمر 32 سال بیتگ-

بی ایل اے ءِ رد ءَ فدائین شبیر بلوچ دریا وردے بیتگ ءُ آئی ءَ سال دوھزار ءُ نوزدہ ءَ گل ءَ بھر زرتگ ءُ سال دوھزار ءُ بیست ءُ چار ءَ آئی ءَ مجید بریگیڈ ءَ وت ءَ بھر مند کتگ –

آئی ءَ گوشتگ شبیر بلوچ جنگ ءَ یک زانتکاریں مردمے بیتگ ءُ چرے سبب ءَ آئی ءَ کمانڈری ءِ تَک وتی نام ءَ کتگ-

آئی ءَ گوشتگ شبیر بلوچ ءَ آپریشن ھیروپ ءَ پسنی ءَ جنگ ءِ میدان ءَ آپریشنل کمانڈری ءِ زمہ دیگ بیتگ انت-

آئی ءَ گوشتگ شبیر بلوچ ءِ سروکی ءَ پھک دلی ءُ پیسلہ داریں دروشمے ءَ سرچکار بیتگ ءُ آ یک دریا وردی داں فرنٹ لائن ءَ کمانڈری ءِ بستار ءِ سپر ءَ زمہ داریانی سر ءَ اوشتوک بوتگ-

دومی فدائین ءِ پجار آئی ءَ دل جان پنام ءِ امیر آجو ء دلمراد بلوچ ءِ نام ءَ کتگ کہ آ سردشت کلانچ پسنی ءِ جھمنند بوتگ ءُ آ سال دوھزار ءُ پنچ ءَ ودی بوتگ-

آئی ءَ گوشتگ فدائین دلجان ءَ یک نومبر دوھزار ءُ بیست ءُ سَے ءَ بلوچ لبریشن آرمی ءَ وت ءَ بھر مند کتگ ءُ سال دوھزار ءُ بیست ءُ چار ءَ آئی ءَ مجید بریگیڈ ءِ بھر مند بیتگ-

آئی ءَ گوشتگ ھرکس آئی ءِ ھمکوپگ بیتگ انت آئی ءَ پرسکون ءُ مول ءُ مرادانی دروشم ءَ یات کن انت –

زانگ بہ بیت بی ایل اے ءَ گوستگیں روچ ءَ وتی درشان ءَ گوشتگ داں انگت ءَ چِل ءُ شش سرمچار شھید بیتگ انت ءُ آیانی توک ءَ بیست ءُ نُھ مجید بریگیڈ ءُ گل ءِ دگہ بھرگانی سرمچار ھوار انت-

بی ایل اے ءَ تنی وھدی ایشاں ھوار پانزدہ سرمچارانی اھوال ءُ اکس دیم ءَ آورتگ انت-