دستونک
شائر : اِن کیو بلوچ
دی بلوچستان پوسٹ
تھاریں کوٹی ءَ ماہ ءُ ماھکان بندیگ اِنت
گْوش ئے سرجمیں زمین ءُ آزمان بندیگ اِنت
دمک ءُ چار راھاں نِشتگ اَنت مکھیں مات مئے
جُھد ء آجوئی ءِ منی ءُ تئی کاروان بندیگ اِنت
گْوانزگی تِپلاں اُوں تُرس چہ سینگ ءَ در کُتگ
اے زِندگی زِندے نہ اِنت، کہ زِندمان بندیگ اِنت
پہ اے گْواڑگیں پُلانی رودینگ ءَ اُمرے جتگ
چون بہ نِنداں لوگ ءَ کہ بلوچستان بندیگ اِنت
سوھوئیں تیرانی دیمپان، بچیگ ءُ ماھلیں جَنک
زِندگیں راج ءِ منی شھدیں زُبان بندیگ اِنت