بلوچ لبریشن آرمی ءِ جارکش جیئند بلوچ ءَ رسانکدراں وتی شنگ کرتگیں درشان ءِ تہ ءَ گوشتگ گل ءِ جند ندری یونٹ مجید برگیڈ ءَ 18 ستمبر 2025 ءَچارشمبے ءِ روچ ءَ کیچ ءِ دمگ دشت کنچتی کراس ءَ زورگریں پاکستانی پوج ءِ مزنیں کاروانے ئے سرا جند ندری ارش ءِ کتگ ۔ اے کاروان ءَ شش کوچ بوتگ انت کہ آئی ءِ تہ ءَ زورگریں پاکستانی پوج ءِ بازیں کارمندے سوار بوتگ ءُ اشانی پھریز ءِ ھاتر ءَ جتا دگہ یک پوجی ٹولی ءِ ھم گون بوتگ ۔ اے کاروان یک روچے ساری چہ کراچی ءَ در اتکگ ءُ گوادر ءَ اتکگ ءُ ارش ءِ روچ ءَ چہ گوادر ءَ در اتکگ بوتگ ءُ دیم پہ تربت ءَ آیگ ءَ بوتگ ۔ اے ارش نیمروچ ءِ ادار یک ءُپنچ ءَ جوانیں شور بندی ءُ رپک ھنراں گوں ھما وھد ءَ کنگ بوتگ کہ دژمن ءِ وھم ءُ گمان ءَ نہ بوتگ ءُ بی ایل اے ءِ جند ندریگاں دژمن بگیری ءَ یک جوانیں شوری ارش ءِ کتگ ۔
جارکش ءَ گوشتگ کہ مجید برگیڈ ءِ جند ندری ءِ بندات چہ ھم وھد ءَ بوتگ وھدیکہ جند ندریگ التاپ پنام ءِ چاکر ءَ شورواں پُریں گاڑی کاروان ءِ اولی کوچ ءَ گوں ڈیکر کتگ کہ چریشی ءَ بلاھیں تراکے بوتگ ءُ کوچ سرجمیں ءَ تباہ بوتگ ءُ اشی ءَ سواریں درسیں کارمند ھما دمان ءَ مرتگ انت ۔ تراک ءَ پد ھما دمان ءَ جندندری سنگت گھرام پنام ءِ زگرین ءُ ھلیل پنام ءِ کلمیر ءَ ایندگہ کوچ ءُ ترس آماچیں پھازگی ٹولی ءِ سرا ارش کتگ ۔ دژمن ءِ پسوی تیرگواری ءَ ابید ھم ھردو جند ندریگاں وتی ارش برجاہ داشتگ ءُ دژمن سرگ ءَ نہ اشتگ ۔ اے ارش سِی دمان ءَ گیش برجاہ بوتگ وھدیکہ بازیں دژمن کارمندانی کشگ ءَ پد ھردو جندندریگانی سلاہ ھلاس بوتگ انت گڈا آیاں بی ایل اے ءِ جند ندری رھبندانی رد ءَ گڈی تیر ءِ پلسپہ ءِ سرا وتی جان پہ وتی راج ءُ زمین ءَ پہ ندر کتگ انت ۔
آئی ءَ گوشتگ کہ بی ایل اے ءِ اھوالکار ءُ انٹلی جنس ونگ زراب ءِ رد ءَ اے ارش ءَ زورگریں پوج ءِ کم چہ کم 32کارمند مرتگ ءُ بازینے زدگ بوتگ انت کہ آیانی تہ ءَ بازیں اپسرے ھم ھوار ایں ۔ اے ارش ءَ سے ءَ گیش بس تباہ بوتگ انت ءُ دژمن ءَ وتی جونانی ءُ زدگانی کشگ ءُ درکنگ ءَ بازیں وھدے لگ اتگ ۔ ارش ءَ پد دژمن ءَ برزی کمک ، ڈرون ، زمینی پوج دیم داتگ بلے وتی تباھی پرشت پروشی ءَ زورگیریں پوج ءَ کمک دیم دیگ ءَ بازیں وھدے لگ اتگ کہ چریشی ءِ سوب ءَ گیشتر زدگ بوتگ ایں پوجی کارمند مرتگ انت ۔ بی ایل اے ءِ ھاتر ءَ اے ارش بس یک سوبمندی ءِ نہ بوتگ بلکنہ اے ھما باروری درشان انت کہ دژمن ءَ بلوچستان ءِ کنڈ کنڈ ءَ ایمنی نندگ ءَ نیل ایں ۔
آئی ءَ گوشتگ کہ اے ارش یک ھنچیں وھدےءَ کنگ بوتگ کہ ریاست پاکستان ءُ آئی ءِ ھم سنت چین بلوچ راجی زرمبشت ءِ بگیری ءَ میان استمانی تکاں سپارتی ءُ کانودی زور دیگ ءِ جھد ءَ انت ۔ ھمے زوتاں پاکستان ءُ چین ءَ اکوام متھدہ ءِئےسلامتی کونسل 1267 کمیٹی ءِ رد ءَ بلوچ لبریشن آرمی ءُ آئی ءِ جند ندری یونٹ مجید برگیڈ ناشرکاریں گلانی لڑ ءَ ھوار کنگ ءِ تجویز داتگ ۔ اے کراداد ءَ پاکستان ھمے تاثر ءَ دیگ لوٹ ایت کہ بلوچ آجوئی لوٹوکیں گل القائدہ یا دائش وڈیں ناشر کاریں ٹولی انت بلےپدا ھم امریکہ پرانس ءُ برتانیہ ءَ اے تجویز نہ من اتگ پرچاکہ دیم ءَ آرگ بوتگیں شاھد ھچ نہ بوتگ انت ۔ اے نہ منگ ءَ پاکستان ءِ درشان نزور کتگ ءُ اے ھم زاھر کتگ کہ بلوچ لبریشن آرمی ءُ آئی ءِ جند ندری تاکتانی بگیری ءَ میاں استمانی تکاں اے ھمسنتی نیست کہ آئی ءِ واب ءَ زورگیریں ریاست گندگ ءَ انت اے یک سپارتی پروش ءِ کہ یکرندے پدا اے گپ ءَ پدر کنت کہ مئے جھد ھمھکمیں لیکھی ءُ سیاسی راجی زرمبشت ئے کہ آ ناشرکاراں گوں ھوار بوت نہ کنت ۔
آئی ءَ گوشتگ کہ بلوچ لبریشن آرمی ھر سَیں سرڈگارئے پرزنداں پھر، شرپ ءُ راجی جوزگ ءَ گوں دروت ندر کنت۔ نمیرانیں جند ندر سنگت التاپ پنام چاکر ء ابدرھمان بلیدہ، الندور ءِ جاہ منند اِنت۔ آ 2023 ءَ بی ایل اے ءَ ھوار بوتگ ۔ شھری گوریلا بوگ ءَ آئی گل ءِ بازیں زمہ واری پیلو کتگ انت ءُ پدا رند ءَ کوہ ءَ اتکگ مجید برگیڈ ءَ ھوار بوتگ ۔ نھ ماہ ءَ پوجی ءُ لیکھی ھیلکاری گپتگ ۔
آئی ءَ گوشتگ کہ نمیرانیں سنگت جند ندری گھرام بلوچ پنام زگرین ء پاروک پنجگور ءِھند پروم لگاروک ءِ جاہ منند بوتگ ۔ آ 2023 ءَ بی ایل اے ءَ ھوار بوتگ ۔ بندات ءَ گوں جند ندری یونٹبءِ بھرے بوتگ ۔ آئی ءِ تہ ایوک ءَ وجی بودشت نہ بوتگ بلکنہ لیکھی زانشت گلی شئور ءَ ھم وتی مٹ وت بوتگ آئی ءِ داتگیں دیمھونی پہ بلوچ ورنایاں یک استعارہ جوڈ بوتگ ۔
شھید جند ندر ھلیل پنام کلمیر ء پزل تربت ءِ ھند سامی بلوچی بازار ءِنندوک بوتگ ءُ آ 2023 ءَ بی ایل اے ءَ ھوار بوتگ ۔ شھر ءِ توک ءَ گل ءِ کارانی شریں وڈی ءَ پیلو کنگ ءَ پد کوہ ءَ اتکگ ۔ سال 2024 مجید برگیڈ ءِ بھر جوڈ بوتگ ۔ آئی ءِ مزن مردی اے گپ ءَ پدرائی ءَ کنت کہ جند ندر بوگ جزباتی ناں شعور ءِ نام ایں نوں آ شعور نپروشوکیں دروشم ءَ اتکگ ۔
جارکش ءَ گوشتگ کہ بی ایل اے تچک ءَ گوش ایت کہ مئے درسیں لشکری کاروائی میان استمانی انسانی جنگی کانودانی رد ءَ اَنت زورگریں ریاست ءِ بگیری ءَ ھکی ئیں راجی گھگیری یے۔ زورگریں دژمن ءِ وڑ ءَ بے میاریں شھریاں نشانگ نہ کن ایں ءُ لس مردمانی چیزاں توان نہ دے ایں۔ مئے جند ندریگ ءُ گوریلہ شوربندی دژمنءِ پوجی تاکت ، آئی ءِ بنجل ، پانگس ، کاروان ءِ بگیری ءَ انت ۔ زورگیریں دژمن زورگپتیں بلوچستان ءَ ھر کجا کہ بہ بیت ائی ءِ بگیری ءَ ٹوھیں ارش ءُ گھگیری کنگ بیت ۔
جارکش ءَ گڈسر ءَ وتی درشان ءِ تہ ءَ گوشت کہ بلوچ لبریشن آرمی ءِ ایلٹ یونٹ مجید برگیڈ اے جند ندری ارش ءِ زمہ واری ءَ من ایت ءُ زورگریں ریاست ءِ دیم ءَ اے گپ ءَ تچک کنت کہ تاں ھما وھد ءَ کہ بلوچستان ءَ زورگپتی برجاہ انت مئے سلاہ بندیں جھد گوں مھکمی ، تاکت ءَ گوں برجاہ مان ایت ، بلوچستان ءِ تہ ءَ پہ دژمن ءَ ھچ دگ پھریز نہ انت ءُ ناکہ آ کاروان ، پانگس ءُ بنجلاں سکون ءِ تہ ءَ بیت ۔ مئے گوریلہ یکشل ءَ گل ءِ دیمروئی ، جنگی ساڑی ءُ پگری مرکزیت ءِ امل ءَ گوزگ ءَ انت ۔ بلوچ ءِ جنگ نوں ھنچیں جاھے ءَ سر انت کہ واتری نہ بیت ءُ اے ارش ایوک ءَ بیرگری ناں بلکنہ یک گچینی شئور یئے ھر دیھونی بس جزبگے نہ انت بلکنہ لیکھی کولے ءُ ہر یک جند ندر بس سپاھی ءِ نہ انت بلکنہ ءَ سرجمی ءَ آشوبی کرد ءِ جوڈ بوتگ ءُ تاں ھما وھد ءَ بلوچ سرڈگار ءِ سرا زورگپتی ءِ گڈی نشان ھلاس نہ بیت گھیگیری ءِ اے کاروان وتی پیش کدمی ءَ برجاہ دار ایت ۔