بلوچستان ءِ جتاجتائیں دمگاں چہ چار مردم زورانسری آوار جنی ءِ رپورٹ نکش بیتگ اَنت، وھدے کہ کراچی ءِ دمگ چہ لیاری ءَ سیادی داروکیں یک ورنایے کساس چار ماہ رند یل بیتگ-
گیشیں ھالانی رِد ءَ گوادر ءِ دمگ چہ کلدان ءَ 25 سالی ئیں ولید بلوچ ء مراد بخش نُھ اکتوبر 2026 ءِ شپ دوازدہ ءَ لوگ ءَ چہ پاکستانی پوج ءَ آوار جتگ ءُ زورانسری بیگواہ کتگ-
دومی نیمگ ءَ چاگی ءِ دمگ چہ کلی سردار ءَ 25 سالی ئیں نثار ملنگ ء محمد ابراھیم ھشت اکتوبر 2026 ءِ سُھب نُھ ءَ ایف سی ءِ کارندھاں زورانسری بیگواہ کتگ-
ھمے روچ ءَ چاگی ءِ دمگ چہ کلی پیر محمد ءَ 25 سالی ئیں محمد آصف ء خالق داد ھم ایف سی ءِ کارندھاں شپ دوازدہ ءَ زورانسری بیگواہ کتگ-
وھدے کہ چاگی ءِ دمگ چہ کلی ھارون ءَ 23 سالی ئیں حافظ زبیر احمد ء حافظ علی احمد 03 اکتوبر 2026 ءِ سھب چار ءَ ایف سی ءِ کارندھاں زورانسری بیگواہ کتگ-
دومی نیمگ ءَ کراچی ءِ دمگ چہ لیاری ءَ سیادی داروکیں شاہ زیب ء صمد، کہ یک جون 2026 ءَ زورانسری بیگواہ کتگ ھپت اکتوبر 2026 ءَ لسبیلہ ءِ دمگ چہ اوتھل ءَ یل کنگ بیتگ-