بلوچستان ءِ دمگ ہرنائی ءِ شاہرگ ءِ دمگ سجو ءَ آئی ای ڈی ءِ تراک ءِ ھال رس اتگ کہ ایشی ءِ آسر ءَ پاکستانی لشکر ءِ گاڑی ءِ سرجم ءَ تباہ بوھگ ءِ ھال بوھگ ءَ اِنت۔
بنداتی ھالانی رد ءَ اے وئیل ءِ تہ ءَ 13 فوجی کارندہ بیران ءُ ٹپی بوتگ انت۔ بلے انگت ءَ بیران ءُ ٹپیانی گڈی کساس ءِ پدر کنگ نہ بوتگ۔
ھالانی رد ءَ تراک شاہرگ ءِ سجو ءِ دمگ ءَ بوتگ کہ اود ءَ یک فوجی گاڑی یے آئی ای ڈی ءَ نشانگ جوڑ کتگ۔ تراک ءِ دروشم ، گاڑی ءِ سواریں کارندہانی کساس ءُ وئیل ءَ چہ پد پدی جاور ھال ءِ بابت ءَ گیشتریں ھال انگت ءَ دست نہ کپتگ اَنت۔
اے وئیل ءِ بابت ءَ چہ سیادی داروکیں واکداراں ھچ وڑیں سرکاری پدراھی نہ بیتگ ءُ نہ کہ انگت ءَ کس ءَ اے وئیل ءِ زمہ واری زرتگ۔