بلوچستان ءِ جتاجتائیں دمگاں بیتگیں اُرش ءُ دگہ وئیلانی زمہ واری بی ایل ایف ءُ بی آر جی ءَ منّ اِتگ اَنت-
بلوچستان لبریشن فرنٹ ءِ جارکش میجر گْوھرام بلوچ ءَ گوشتگ کہ یازدہ ستمبر 2026 ءَ مند ءِ ھند کوہ ڈگار ءَ مزنیں شھدگ ءَ دگ بندی کرتگ ءُ گاڑی پٹ ءُ پول کرتگ اَنت۔ دگ بندی ءِ مول دمگ ءَ گل ءِ واکداری ءِ برجاہ دارگ ءُ پاکستانی پوج ءُ آئی کمکارانی سر ءَ چم سک دیگ اِنت۔
آئی گوشتگ کہ دگہ یک کاروائی یے ءَ سرمچاراں دہ ستمبر ءَ ھاران ءِ ھند یکمچ، ٹٹگار ءَ پاکستانی پوج ءِ کاروان ءِ سر ءَ گوں مزن ءُ کسانیں سلاھاں اُرش کرتگ۔ سرمچارانی یکشلیں اُرشانی سوب ءَ پوج سویلین گاڑیاں کارمرز کنگ ءَ بوتگ۔ اے کاروان ءَ ھواریں دو بس تچک ءَ اُرش ءِ زد ءَ آتکگ ءُ پوج ءِ شش کارمند جاھی مرتگ ءُ لھتیں ٹپی بوتگ۔
جارکش ءَ گوشتگ کہ گل درسیں ٹرانسپورٹر ءُ گاڑی واھنداں گوں ترندی ءَ کڈن کنت کہ آ وتی گاڑیاں پوج ءِ تر ءُ گرد ءُ راشن سر کنگ ءَ کارمرز بوگ ءِ موکل ءَ مہ دئے اَنت۔ پوج کج ءَ ھم بہ بیت سرمچارانی نشانگ ءَ اِنت۔ لس ٹرانسپورٹر پوج ءَ چونیں ھم کمک کنگ ءِ پژدر ءَ وتی جانی ءُ مالی تاوان ءِ زمہ واری وت بہ اَنت۔
آئی گوشتگ کہ اُرش ءَ پد پوج ءَ سرمچارانی انگیر کنگ ءَ ھرماگے ءِ ریکیں دمگ ءَ دیم ءَ آیگ ءِ جھد کرتگ۔ سرمچاراں پسھی کاروائی ءَ آیانی سر ءَ اُرش کرتگ ءُ گیش تاوان داتگ ءُ آ دیم ءَ آیگ ءَ نہ اِشتگ اَنت۔ ھمے روچ ءَ سرمچاراں زامران ءِ ھند ڈیل کِک ءَ پاکستانی پوج ءِ بنجل ءِ سر ءَ گوں مزن ءُ کسانیں سلاھاں اُرش کرتگ۔ اُرش ءِ آسر ءَ پوج ءَ جانی ءُ مالی تاوان بوتگ۔
جارکش ءَ گوشتگ کہ ھمے روچ ءَ سرمچاراں کیچ ءِ ھند چہ ناسر آباد ءَ داں نودز ءَ شھدگ بستگ ءُ پٹ ءُ پول کرتگ۔ دگ بندی ءِ مول دمگ ءَ گل ءِ واکداری ءِ برجاہ دارگ ءُ پاکستانی پوج ءُ آئی کمکارانی سر ءَ چم سک دیگ اِنت۔ چہ سرمچارانی درکپگ ءَ پد پاکستانی پوج ءِ کاروانے ءُ کواڈ کاپٹر ھمے جاہ ءَ آتکگ اَنت ءُ پہ دیم تیرگواری کرتگ ءُ مردم ترسینتگ اَنت۔ ھمے روچ ءَ سرمچاراں تمپ ءِ میتگ رودبن ءَ برجائیں پاکستانی پوج ءَ ءِ بنجل ءِ سر ءَ گرنیڈ لانچر ءِ باز گولا آس داتگ کہ آ نشانگ ءَ کپتگ اَنت۔ چہ ایشی ءَ پد سرمچاراں گوں نوکیں ٹوھین ءُ کسانیں سلاھاں اُرش کرتگ۔ چہ ایشی ءَ پوج ءَ جانی ءُ مالی تاوان بوتگ۔
آئی گوشتگ کہ یک دگہ کاروائی یے ءَ نھ ستمبر ءَ سرمچاراں تُربَت ءِ ھند ھیر آباد ءَ مزنیں شھدگ ءَ دگ بندی کرتگ ءُ گاڑی پٹ ءُ پول کرتگ اَنت۔ ھمے دگ بندی ءِ وھد ءَ سرمچاراں اسسٹنٹ کمشنر ءِ گاڑی داشتگ۔ اسسٹنٹ کمشنر وتی جند گاڑی ءَ نہ بوتگ ءُ دگہ گاڑی یے ءَ سوار بوتگ۔ چہ ایشی ءَ آ تچگ ءَ سوبین بوتگ۔ سرمچاراں اسسٹنٹ کمشنر ءِ پھازدار ءِ درسیں سرکاری سلاہ ءُ سامان پل اِتگ اَنت۔ کاروائی ءِ سرجم بوگ ءَ پد پوج ءَ کواڈ کاپٹر ءِ سر ءَ اُرش کنگ ءِ جھد کرتگ کہ سرمچاراں پسھی کاروائی کرتگ ءُ اُرش بے سوب کرتگ۔
جارکش ءَ گوشتگ کہ یک ستمبر ءَ سرمچاراں دشت ءِ ھند پٹوک ءَ پاکستانی پوج ءِ کاروان ءِ پھازداری ءَ تر ءُ گرد کنوکیں کارمندانی سر ءَ اُرش کرتگ۔ پوج ءِ یک گاڑی یے تیرگواری ءِ زد ءَ آتکگ ءُ سکا تاوان بوتگ۔ پوج ءِ باز کارمند مرتگ ءُ ٹپی بوتگ۔
گُڈی ءَ میجر گْوھرام بلوچ ءَ بیتگیں اُرشانی زمہ واری منّ اِتگ اَنت-
ھمے وڑ بلوچ ریپبلکن گارڈز ءِ جارکش دوستین بلوچ ءَ وتی شنگ کتگیں درشانے ءَ گوشتگ کہ بی آر جی ءِ سرمچاراں مرچی بلوچستان ءِ دمگ کچھی ءِ جتاجتائیں ھنداں ناکہ بندی کتگ ءُ گاڑی پٹ ءُ پول کرتگ اَنت۔ بازیں ھنداں سرمچاراں تر ءُ گرد کرتگ کہ اے میان ءَ دگہ ریاستی ناشرکار یا سرکاری ادارھانی کارمند دیم ءَ نہ کپتگ۔ ناکہ بندی ءِ میان ءَ سرمچار گوں وتی راج ءِ مردماں سک گوں مھرانی ءَ پیش بیتگ اَنت۔
دوستین بلوچءَ درشان ءِ گڈی ءَ کچھی ءِ جتاجتائیں ھندانی تر ءُ گرد ءُ پٹءُپول کنگ ءِ زمہ واری من اتگ ءُ گوشتگ کہ مئے اے وڑیں کاروائی داں بلوچستان ءِ آجوئی ءَ برجاہ بنت۔