بلوچ لبریشن آرمی ءِ جارکش جیئند بلوچ ءَ رسانکدر ءَ شنگ کتگیں بیانے ءَ گْوشتگ کہ گوستگیں روچ ءَ سھب ءِ 9بج ءِ نزیک ءَ بلوچ لبریشن آرمی ءِ تیزگامیں ٹولی فتح اسکواڈ ءَ لسبیلہ ءِ دمگ والپٹ ءَ کشاری ءِ ھند ءَ زورگریں پاکستانی لشکر ءِ 15 ایف ایف ءِ بمب ڈسپوزل ءِ پارٹی ءِ گاڑیانی کاروان ءِ سر ءَ یک مھکم ءُ ھترناکیں اُرشے کتگ-
جارکش ءَ گوشتگ کہ سرمچاراں زورگیریں لشکر ءِ یک گاڑی یے آئی ای ڈی تراک ءِ نشانگ جوڑ کنگ ءَ پد دیم پہ دیم اُرش کتگ۔ اے اُرش ءِ آسر ءَ زورگیریں لشکر ءِ دو گاڑی سرجم ءَ تباہ بوتگ اَنت وھدیکہ دگہ دو گاڑیاں ھم مزنیں تاوانے رس اتگ انت۔ اے اُرش ءَ زورگیریں پاکستانی لشکر ءِ 9 کارندہ جاہ پہ جاہ ءَ مرتگ اَنت وھدیکہ 11 ءَ چہ گیش ٹپیگ بوتگ اَنت ۔ مرتگین ءُ ٹپیگیں مردمانی تہ ءَ ’لائٹ انجینئرنگ بٹالین‘ ءُ ’15 ایف ایف‘ ءِ کارندہ ھوار اَنت۔
آئی ءَ گوشتگ کہ دومی نیمگ ءَ جیونی ءَ بلوچ لبریشن آرمی ءِ سرمچاراں زورگیریں پاکستانی لشکر ءُ ملٹری انٹیلی جنس (ایم آئی) ءِ 4 کارندہ غلام مصطفی (جھمنند پنجاب )، سنم مسيح (جھمنند شیخوپورہ، پنجاب )، کنول شھزاد (جھمنند شال) ءَ دانش اقبال ( جھمنند کرک) کشتگ انت۔ بی ایل اے ءِ انٹیلی جنس ونگ زراب ءَ لھتے وھد اِنت کہ اے کارندھانی سر ءَ نزیکیں چمشانک داتگ کہ آ زورگیریں لشکر ءِ جھلی کمپنی نیشنل لاجسٹکس کارپوریشن (این ایل سی) ءِ گوں ہمگرنچ بوہگ ءَ جیونی ءَ انٹیلی جنس ءِ سر ءُ پراں دزبند بیتگ انت-
جارکش ءَ گشتگ کہ ایشی ءَ ابید ماشکیل ءَ بلوچ لبریشن آرمی ءِ سرمچاراں ’لیتھیم‘ ءِ درگیجگ ءِ لٹ ءُ پلی ءِ منسوبگ ءِ بنجل کنٹرول کتگ ءُ اود ءَ 4 ڈرلنگ مشین ءَ ھوار 5 گاڑی سوتکگ ءُ تباہ کتگ انت۔ کمپنی ءِ کارندہ کہ آپریشن ءِ وھد ءَ دزگیر کنگ بوتگ اَنت آ گل ءِ پالیسی ءِ رد ءَ ترندیں بیھار ءَ پد یل داتگ انت-
آئی ءَ گوشتگ کہ لیتھیم 21می کرن ءَ میان استمانی توانائی مٹی، نوکیں ٹیکنالوجی ءُُ الیکٹرک بیٹریانی پیداوار ءِ سرین ءِ ھڈ اِنت۔ بلوچ زمین لیتھیم ءِ اے نادریں کدرتی ھستی ءَ چہ پُر مھکم اِنت کہ آیوکیں پدریچانی واستا بلوچ راج ءِ ایمنیں زرکاری، سیاسی ءُ جگراپیائی باندات ءِ بنکی مانزمان اَنت۔ زورگیریں پاکستانی ریاست کہ ترندیں مالی ھلاس ءُ گنوک بوھگ ءِ کش ءَ اِنت ءُ وتی نوآبادیاتی مشگ ءُ فوجی ھرچ ءُ درچ ءِ برجاہ دارگ ءِ ھاتر ےَ مالی وسیلگ ھلاس بوتگ اَنت، نوں بلوچ راج ءِ اے ارزشت داریں گرنھادان چہ جھان ءِ بازار ءَ درملکی کمپنیانی دست ءَ نیلام کنگ ءِ یک منھوسیں جھدے کنگ ءَ اِنت۔ بی ایل اے اے گپ ءَ پدّر کنت کہ بلوچ لیتھیم ءِ لُٹ ءُ پُل ءِ وسیلگ ءَ زورگیریں ریاست ءِ وتی زوال بوھوکیں زرکاری ءِ کمک کنگ ءِ اے امل میان استمانی کانود، انسانی ھک ءُ بلوچ راجی واھشت ءِ مزنیں لگتمالی یے۔
آئی ءَ گیش گْوشتگ کہ بلوچ لبریشن آرمی یک گڈی ءُ پدّریں پالیسی ءِ چیر دستی ءَ اے گپ ءَ سرجمیں میان اُستمانی ءُ دمگی کاریزکاریں کمپنی، ملکی سرمایہ کار ءُ گلوبل کنسورشیمزاں پدر کنت کہ زورگیریں پاکستانی لشکر یا آئی ءِ ھچ وڑیں وتگڑیں انتزامیہ ءَ ھچ وڑیں کانونی، اکلاکی ءُ جگراپیائی ھک نیست کہ آ لیتھیم یا دگہ وڑیں زیر زمینی مڈیانی سوداگری ءِ ھک نیست۔ زورگیریں پاکستان ءِ گوما لیتھیم ءِ شوھازگ، پٹ ءُ پول، لائسنس یا ڈرلنگ ءِ ھوالگ ءَ ھرچ وڑیں مسام، یا دزنویس کتگیں دستاویز ءُ مالی شریکداری سرجم ءَ رد، ناجائز زانگ بیت۔ گلوبل کمپنیاں اسلام آباد ءِ زوراکیں ءُ بے مھکمیں انتزامیہ ءِ گوں کجام ھم وڑیں کاروباری مسام ءَ سرجم ءَ پھریز کنگی اِنت ءُ بلوچ سرزمین ءِ سر ءَ ھستیں دراھیں لیتھیم منسوبگاں چہ وتی سرمایہ کاری، کارندہ ءُ رسد ءِ وسیلگاں زوت کشّگی اَنت۔
گُڈسر ءَ آئی ءَ گْوشتگ کہ بی ایل اے وتی ’’زرکاری بندش‘‘ ءِ رھبند ءِ چیر دستی ءَ بلوچ راجی وسیلگ ءُ ھاسیں رنگ ءَ لیتھیم ءِ وڑیں گچینی مڈیانی پھریزگ ءَ گوں سرجمیں زور ءِ جزم اِنت۔ ماشکیل ءَ لیتھیم ءِ کاریزکاری ءِ منسوبگ ءِ جاہ ءِ کنٹرول ءَ زورگ ءَ چہ ڈرلنگ مشینریانی سوچگ اے پالیسی ءِ املی رھبندانی گڈی در ءُ گڈی بیھار اِنت۔ اگاں کسے میان استمانی یا دمگی کمپنی زورگیریں لشکر ءِ فوجی ساھگ ءِ آڑ ءَ لیتھیم ءِ دُزی ءَ کمک بہ کنت گڑا آئی ءِ سرجمیں ڈرلنگ سائٹ، فیلڈ کیمپ، سر ءُ پر ءُ تکنیکی کارندہ بی ایل اے ءِ تچک ءَ نشانگ ءَ انت۔ بلوچ راج وتی زر، مڈّی ءُ نادریں مڈیانی رکینگ ءِ واستا ھمک سیمسراں چہ سرگوز کنت ءُ لٹ ءُ پلی پروجیکٹانی ھلاپ ءَ اے جنگ گوں سرجمی ءَ ترمدی ءَ برجاہ مان ایت داں یک آجوئیں ءُ وت واجھیں بلوچستان ءِ جوڑ بیگ ءَ۔