بلوچستان ءِ دمگ ھاران ءِ ھند لجے ءَ پاکستانی لشکر ءَ لس آبادی ءِ سر ءَ ڈرون اُرش کتگ ءُ میزائل اُرش ءَ دمگی زمیندار ءِ لوگ تباہ کتگ بلے ھچ وڑیں تاوان ءِ ھال نیست۔
وئیل ءَ پد دمگ ءَ ترس ءُ بیم شنگ ءُ تالان بوتگ۔ زانگ بہ بیت گوستگیں روچاں پاکستانی لشکر ءِ نیمگ ءَ چہ دمگی آبادی ءِ سر ءَ تیرگواری ءُ ڈرون ءِ اُرش ءِ آسر ءَ زھگاں ھوار درجناں لس مردم بیران بوتگ اَنت ءُ مال ءُ دلوت ھم مرتگ اَنت۔
اے وئیلاں دمگی مردمانی تہ ءَ ترس ءُ بیم تالان بیتگ ءُ دمگی مردماں زھرشانی کتگ ءُ لوٹ کتگ آبادی ءِ سر ءَ پوج ءِ اُرش دارگ بہ بنت-