بلوچستان ءَ زورانسری آوار جنی ءِِ دْرچ یکشل برجاہ ءَ اِنت، اود ءَ شال ءُ مستونگ ءَ سئے مردم زورانسری بیگواہ کنگ بیتگ اَنت، وھدے کہ چہ شال ءَ یک مردمے شش ماہ ءَ پد یل کنگ بیتگ اَنت-
گیشیں ھالانی رِد ءَ چہ شال ءَ سفر خان ء محمد حسن 16 اگست 2026 ءِ شپ ءَ کساس چار ءَ آئی ءِ لوگ ءَ چہ پاکستانی پوج ءَ زورانسری بیگواہ کتگ – سفر خان یک ڈرائیورے-
دومی وئیل چہ شال ءَ منوجان دگ، ھدہ 21 سالی ئیں حافظ جمیل احمد ء چھٹان خان نُھ دستمبر 2026 ءَ کساس شپ ءِ 2:30 ءَ آئی ءِ لوگ ءَ چہ آوار جتگ ءُ بیگواہ کتگ- حافظ جمیل احمد ٹریلر ماسٹرے – آئی ءِ کھول رِد ءَ آئی ءِ زورانسری آوار جنی ءَ سی ٹی ڈی ءُ آئی ایس آئی ءِ کارندہ ھوار اَنت-
ھمے وڑ مستونگ ءِ دمگ کردگاپ ءَ 21 سالی ئیں عبدالکریم ء غلام نبی 21 اگست2025 ءِ شپ ءِ کساس سئے ءَ آئی ءِ لوگ ءَ چہ زورانسری بیگواہ کتگ – عبدالکریم یک دکاندارے-
دومی نیمگ ءَ شال ءِ ھند کلی قمبرانی، سریاب دگ ءِ جھمنندیں سیف اللہ ء عطااللہ، کہ 12 مارچ 2026 ءَ زورانسری بیگواہ کتگ اَت، 11 ستمبر 2026 ھدہ جیل، شال ءَ یل بیتگ-